Malakias 3:8 - BIBLIA - traduson antigu in Krioulo

⁸ “Nta un omi dibi di furta kusa di Deus? Ma abos, bo ta furta di mi. Dipus bo ta punta: ‘Na kal manera ku no ta furta di bo?’ “Na dizimus ku ofertas.

Malakias 3:8 ပူးပေါင်းရင်းမြစ်များ

Salmus 29:2

Bo da SIÑOR ki gloria ku si nomi mersi; bo adora SIÑOR na bonitasku di si puresa.

Ditus 11:24

Kin ku ta da libri vontadi, i ta risibi kada bias mas; kin ku ta guarda mas di ki kil ki dibi di guarda, i ta fika mas koitadi.

Isaias 43:23

Bu ka tisin karnel pa oferta kemadu, nin bu ka dan onra ku bu sakrifisius. N ka obriga bos tisin ofertas, nin N ka kansa bos pa bo tisin nsensu.

Sirmonias 19:25

Na kintu anu bu pudi kume si fruta. Asin, arvuri na padi mas ciu. Ami i SIÑOR bo Deus.

Zakarias 5:3

I falan: “Es i maldison ku na bai pa tudu parti di tera. Konformi maldison na un ladu, kualker algin ku furta na tiradu na tera. Konformi maldison na utru ladu, kualker algin ku konta mintida bas di juramentu i na tiradu na tera.

Malakias 1:13

Bo ta fala tambi: ‘E kansera!’ Bo ta yalsa naris ku disprezu. Bo ta pursenta limaria ku furtadu, o manku o duenti; asin ku bo ta da oferta. Nta ami N na setal na bo mon?” Asin ku SIÑOR ku ten tudu puder punta.

Malakias 1:8

Ora ku bo tisi limaria segu pa sakrifika ku el, kila i ka mal? O si bo pursenta limaria manku o duenti, kila i ka mal? Bai pursental pa bu gubernadur! Nta i na kontenti ku bo? I na setau?” Asin ku SIÑOR ku ten tudu puder punta.

Mateus 22:21

E falal: “I di rei garandi.” I fala elis: “Bo da rei kil ki di rei; bo da Deus kil ki di Deus.”

Markus 12:17

Jesus fala elis: “Bo da rei kil ki di rei; bo da Deus kil ki di Deus.” E fika dimiradu ku el.

Lukas 20:25

I fala elis: “Bo da rei kil ki di rei; bo da Deus kil ki di Deus.”

Romanus 13:7

Asin, bo da kada kin kil ku bo dibi di da. Bo paga kontribuison pa kil ku bo dibi di paga. Bo paga mpustu pa kil ku bo dibi di paga. Bo da rispitu ku onra pa kilis ku ten diritu di risibil.

Romanus 2:22

Abo ku fala pa ka kai ku algin ku bu ka kasa ku el, bu na fasil? Abo ku nfastia iran, bu na furta na baloba?

Josué 7:11

Israelitas peka, e kebra kontratu ku N da elis pa e guarda. E toma utru kusas pruibidu, e furta, e konta mintida, e pul bas di se propi kusas.