Malakias 3:16 - BIBLIA - traduson antigu in Krioulo

¹⁶ Dipus, kilis ku rispita SIÑOR e papia, kada kin ku si kumpañer. SIÑOR para sintidu, i obi ke ke na fala. Un libru di lembransa skirbidu si dianti aserka di kilis ku rispital, ku ta lembra sempri di si nomi.

Malakias 3:16 ပူးပေါင်းရင်းမြစ်များ

Kumsada 22:12

I falal: “Ka bu pui mon na rapas; ka bu fasil nada. Gosi N sibi kuma bu rispita Deus. Bu ka tujin bu fiju un son.”

2 Samuel 7:1

Dipus di rei Davi sinta ja na si kasa, SIÑOR dalba ja diskansu di tudu inimigus na si roda,

1 Reis 18:12

Si N fikau, i pudi sedu ku Spiritu di SIÑOR na lebau pa N ka sibi nunde. Si N bai konta Akab, ma el gora i ka bin ojau, i na matan, ma ami, bu servu, N rispita SIÑOR desdi ku N sedu rapas.

1 Reis 18:3

Akab coma Obadias, nkargadu di si kasa, omi ku rispitaba SIÑOR ciu.

2 Kronikas 6:7

“Ña pape Davi teneba na sintidu pa kumpu kasa pa nomi di SIÑOR, Deus di Israel,

Neemias 1:11

SIÑOR, yabri bu oreja pa orason di bu servu, tambi pa orason di utru bu servus ku misti rispita bu nomi. Judan aos, bu pui na korson de omi pa i mostran fabur.” Ña tarbaju seduba ntrega rei kopu.

Ester 2:23

I fasidu nvestigason; kusa konfirmadu. Ki dus omi e nforkadu na un po. E kusa skirbidu na libru ofisial dianti di rei.

Ester 6:1

Ki di noti rei ka pudiba durmi. Asin i manda tisi libru di kronikas, ku sedu storia di si renu, pa i leidu si dianti.

Jo 28:28

Deus fala omi: ‘Rispitu pa SIÑOR i jiresa; pa libra di fasi mal i ntindimentu.’ ”

Salmus 10:4

Pabia di si orgulyu, omi mau ta njuti SIÑOR. Na tudu si pensamentus, Deus ka sta la.

Salmus 104:33

N na kanta pa SIÑOR tudu ña vida; nkuantu N tene inda vida, N na kanta pa ngaba ña Deus.

Salmus 111:10

Rispitu pa SIÑOR i purmeru pasu pa jiresa; tudu jinti ku obdisi si ordis e na ten bon ntindimentu. Deus ten ku ngabadu pa sempri.

Salmus 115:13

I na bensua tambi kilis ku rispita SIÑOR, jinti umildi ku jinti garandi.

Salmus 119:63

N sedu kumpañer di tudu kilis ku rispitau; ku ta sigi bu ordis.

Salmus 139:4

Antis di palabra ciga na ña boka, abo, SIÑOR, bo kunsil tudu.

Salmus 147:11

ma SIÑOR ta ten si kontentamentu na kilis ku rispital, ku ta pui se speransa na si bondadi.

Salmus 16:3

Pobu di Deus ku sta na tera e sedu gloriosu; tudu ña kontentamentu i pa sta ku elis.

Salmus 20:7

Utrus ta fiansa na karus, utrus na kabalus, ma anos, no na fiansa na nomi di SIÑOR no Deus.

Salmus 33:18

Ma uju di SIÑOR sta riba di kilis ku rispital, kilis ku pui se speransa na si bondadi

Salmus 34:15

Uju di SIÑOR sta riba di justus; si oreja sta atentu pa obi si e coma.

Salmus 56:8

Oca ku N na kurkuri, bu konta ña pasus; Bu pui ña larmas na bu garafa; nta e ka sta skritu na bu libru?

Salmus 56:9

Ora ku N comau, ña inimigus na riba tras, pabia N sibi kuma Deus sta na ña ladu —

Salmus 66:16

Abos tudu ku rispita Deus, bo bin, bo obi; N na konta ke ki fasi pa mi.

Salmus 94:19

Oca ku N na kudaba ciu dimas, bu konsolan, bu dan kontentamentu.

Saida 32:32

ma N na pidiu pa bu purda elis se pekadu. Si i ka asin, bu ta riska ña nomi na ki libru ku bu skirbi.”

Ditus 13:20

Si bu yanda ku jiru bu na sedu jiru, ma kumpañer di tulus i na sufri danu.

Isaias 26:3

Kil ku pui sintidu firmi na bo, ku fiansa na bo, abo, SIÑOR, bu ta guardal ketu, ku susegu.

Isaias 26:8

Anos tambi, SIÑOR, no na spera na bo; no sta na kamiñu ku bu leis mostranu. Kusa ku no korson misti i pa lembra di bu nomi.

Isaias 4:3

Tudu jinti ku sobra na Sion, ku fika na Jerusalen, e na comadu pobu di Deus, ku sedu kilis ku tene nomi reẑistadu ku jinti ku bibu na Jerusalen.

Isaias 50:10

Kin na bo metadi ku ta rispita SIÑOR, i ta obdisi si servu? Ora ki na yanda na sukuru, i ka ten nin un bokadiñu di klaridadi, pa i fiansa na nomi di SIÑOR, i nkuña tesu na si Deus.

Isaias 65:6

“Jubi, i sta skritu ña dianti; N ka na kala, ma N na paga; N na torna vingansa tudu

Jeremias 31:18

“N obi Efrain na ŋuniŋuni, i fala: ‘Bu kastigan suma baka ku ka mansadu inda. N seta bu kastigu. Konvertin, pa N sedu konvertidu, pabia abo i SIÑOR ña Deus.

Jeremias 8:6

N sukuta elis diritu, ma e ka ta konta bardadi. I ka ten ningin ku na ripindi di si maldadi, i fala: “N fasi mal.” Kada kin na kuri pa si kamiñu suma kabalu ku na kuri ku forsa pa gera.

Ezekiel 9:4

i falal: “Pasa na metadi di prasa di Jerusalen, bu pui sinal na rostu di kilis ku sta tristi, e na cora pabia di kusas nujenti ku na fasidu la.”

Daniel 12:1

“Na ki tempu Migel, ki ŝef di anjus ku ta guarda bu pobu, i na lanta. I na ten un tempu di garandi sufrimentu, ku nunka ka tenba disna ku nasons ten te na ki dias. Na ki tempu bu pobu na libradu, kada un ku si nomi ojadu skritu na libru di Deus.

Daniel 7:10

Un riu di fugu sai si dianti, i na kuri. Milyaris di milyaris na sirbil; milyons di milyons firma si dianti. Jinti na tribunal sinta; librus yabridu.

Malakias 3:5

SIÑOR ku ten tudu puder fala: “N na bin ciga na bo metadi pa julga, tudu pruntu pa sedu tustumuña kontra futserus, ku kilis ku ta dita ku omi o minjer ki ka di sil, kilis ku ta jurmenta na mintida, kilis ku ka ta paga se tarbajaduris, ku kilis ku ta tursi justisa di viuva, orfan ku stranjeru.

Malakias 4:2

Ma pa bos ku ta rispita ña nomi, ña bondadi ku puder di kura na bin suma raiu di sol ku na mansi. Bo na sai, bo jukuta suma bakasiñus ku dismancadu na se koral.

Lukas 2:38

Oca ki ciga na ki ora, i gardisi Deus, i fala di mininu pa tudu kilis ku na pera pa Jerusalen libertadu.

Atus 1:13

e yentra na prasa, e subi na sobradi nunde ke moraba nel, ku sedu Pedru ku Jon, Tiagu ku André, Filip ku Tome, Bartolomeu ku Mateus, Tiagu fiju di Alfeu, Simon ku seduba di partidu pa indipendensia, ku Judas, fiju di Tiagu.

Atus 10:2

I seduba omi riliẑiosu ku rispitaba Deus; el ku si familia tudu e ta adoraba Deus di judeus. I ta da ciu pa judeus pobri, i ta oraba Deus sempri.

Atus 2:1

Oca dia di Pentekostis ciga, e staba tudu juntadu na mesmu lugar.

Atus 9:31

Asin igreẑa na tudu Judeia, Galileia ku Samaria teneba un tempu di pas. Spiritu Santu fortifika igreẑa, i dal animu. Numeru di krentis na buri; e na vivi ku rispitu pa Siñor.

Efésius 5:19

Bo fala ku ŋutru ku salmu, inu ku kantiga spiritual; bo kanta, bo fasi musika pa Siñor na bo korson.

1 Tesalonisensis 5:11

Asin bo da ŋutru koraẑen, bo juda ŋutru, suma ku na bardadi bo na fasi ja.

1 Tesalonisensis 5:14

Ermons, no roga bos tambi pa bo raprindi risu kilis ku ka ta tarbaja; bo da koraẑen pa kilis ku ta medi; bo juda kilis ku fraku; bo ten pasensa ku tudu jinti.

Ebreus 10:24

No pensa na ŋutru, pa disperta ŋutru pa mostra amor, pa fasi bon tarbaju.

Ebreus 12:15

Bo toma sintidu pa ka ningin pirdi fabur di Deus, pa ka nin un rais malgos nasi pa kansa bos, i bin venena manga di jinti;

Ebreus 3:13

I minjor bo ba ta konsija ŋutru tudu dia ku na faladu “Aos”, pa ka nin un di bos fika duru pa nganu di pekadu.

Apokalipsi 15:4

Siñor, kin ku ka na medi bo? Kin ku ka na ngaba bu nomi? Abo son ki puru. E ku manda tudu nasons na bin, e na kai bu dianti pa adorau, pabia kusas justu ku bu fasi, tudu jinti pudi ojal.”

Apokalipsi 20:12

N oja mortus, garandis ku pikininus, sikidu dianti di tronu. Librus yabridu. I yabri mas utru libru, kil ku tene nomi di bibus. Mortus julgadu pa kusas ku skirbidu na ki librus, konformi kusas ke fasi.