Malakias 3:10 - BIBLIA - traduson antigu in Krioulo

¹⁰ Bo tisi tudu dizimus pa armazen di templu, pa kumida pudi ten na ña kasa; dipus bo ta proban, ami, SIÑOR ku ten tudu puder, pa jubi si N ka na yabri janelas di seu, pa darma riba di bos un benson garandi, tok bo ka na tene kau di pui.

Malakias 3:10 ပူးပေါင်းရင်းမြစ်များ

Kumsada 28:22

E pedra ku N pui suma kuluna i na sedu kasa di Deus. Di tudu kil ki dan, sin falta, na kada des N na tornal un.”

Kumsada 7:11

Na anu 600 di vida di Noe, na dia 17 di sugundu mis, na ki mesmu dia, i rebenta tudu fontis di koba fundu, i yabri janelas di seu.

2 Reis 7:19

Ki kapiton ruspundi omi di Deus i falal: “Nin ku SIÑOR yabri janela di seu, es pudi sedu me?” Eliseu falal: “Bu na ojal ku uju, ma bu ka na kume nada del.”

2 Reis 7:2

Un kapiton, ku rei ngostaba na si mon, i ruspundi omi di Deus, i falal: “Nin ku SIÑOR yabri janela di seu, es pudi sedu me?” Eliseu falal: “Bu na ojal ku uju, ma bu ka na kume nada del.”

1 Kronikas 26:20

Utru levitas tenba konta di rikesas di kasa di Deus ku armazens di ofertas sagradu.

Neemias 12:44

Na ki mesmu dia utru omis e nkargadu di armazens nunde ku ofertas ta pudu, ku purmeru prudutus, ku dizimus. E tenba ku rukuji la ki ofertas ku bin di pontas na roda di prasas, ku lei manda pa da saserdotis ku levitas, pabia pobu di Judá staba kontenti ku saserdotis ku levitas ku na sirbi la.

Neemias 12:47

Asin, na tempu di Zorobabel ku di Neemias, tudu Israel ta daba ofertas, pa kantaduris ku porterus pudi tene kil ke pirsisa kada dia; tambi e ta da ki oferta sagradu pa levitas; levitas ta da se oferta pa fijus di Aron.

Neemias 13:5

i ranjal un kuartu garandi, nunde ke ta rakadaba ofertas di kumida, nsensu, tiẑelas ku utru losa, ku ofertas pa saserdotis, ku dizimus di garan suma miju, di biñu ku azeiti ku dibi di daduba pa levitas, kantaduris ku porterus.

Salmus 37:3

Fiansa na SIÑOR, bu fasi ben; bu na mora na tera di Israel, bu kume diritu na kau suguru.

Salmus 78:23

Ma i da ordi pa nuvens, i yabri porta di seu,

Eklesiastis 11:3

Si arvuri kai na sul o na norti, kau ki kai, la ki ta fika. Ora ku nuven inci ku yagu, i ta darma cuba na tera.

Ezekiel 34:26

N na bensua elis, N na bensua tambi lugaris na roda di ña monti. N na manda cuba na si tempu ku na sedu cubas di benson.

Ezekiel 44:30

Minjor di tudu purmeru frutu di kebur, ku tudu oferta, i na sedu di saserdotis. Si bo na kumpu pon, bo na da purmeru masa pa saserdoti, pa benson pudi sta riba di bu familia.

Oseias 2:21

“Na ki dia ami, SIÑOR, N na ruspundi Jizreel, N na papia ku seu, i na ruspundi, i manda cuba na tera; tera na ruspundi, i pruduzi trigu, uvas ku azeitonas.

Joel 2:19

SIÑOR na ruspundi, i fala si pobu: “Ali N na manda bos trigu, biñu nobu ku azeiti; bo na farta ku elis. N ka na torna ntrega bos pa nasons koba bos.

Joel 2:24

Kaus di masa na inci ku trigu; biñu nobu ku azeiti na ciu tok i darma na kau ki ta guardadu nel.

Sirmonias 26:10

Bo na kume di kebur di anu ku pasa te na dia ku bo ten ku tiral fora pa da lugar pa kebur nobu.

Sirmonias 26:3

“Si bo yanda na ña regras, bo rispita ña mandamentus, bo obdisi elis,

Sirmonias 27:30

“Un dizimu di tudu prudutu di con ku fruta di arvuris i di SIÑOR; i sagradu pa el.

Aẑeu 2:19

Miju kaba ja na bemba; pe di uva ka da si fruta, nin pe di figu, nin pe di roman, nin olivera. Ma disna di aos N na bensua bos.’ ”

Numerus 18:21

“N da levitas tudu dizimus di Israel pa yardansa, suma pagamentu di tarbaju ke ta fasi ora ke na sirbi na tenda di juntamentu.

Mateus 6:33

Purmeru kusa, bo buska renu di Deus, bo yanda diritu si dianti; asin, tudu e utru kusas, bo ta bin dadu el.

Ripitison di Lei 12:6

bo leba bo ofertas kemadu, bo sakrifisius, bo dizimus, bo ofertas spesial, kil ku bo fala bo na da, kil ku bo na da di libri vontadi, ku purmeru fijus di bo bakas ku bo karnel.

Ripitison di Lei 14:22

Kada anu bu ten ku separa un desimu parti di tudu prudutu di bu labur.

Ripitison di Lei 14:29

Utru jinti ku sta na bu prasa, suma levita ku ka tene terenu nin yardansa suma ku bu tene, ku stranjeru ku orfan ku viuva, e ta bin kume, e farta, pa SIÑOR bu Deus pudi bensuau na tudu tarbaju ku bu na fasi.

Ripitison di Lei 28:12

SIÑOR na yabri seu, si armazen di rikesa, pa manda cuba na bu tera na si tempu, pa bensua tudu tarbaju ku bu ta fasi. Bu na pista pa manga di nason, ma abo, bu ka na pista nada di ningin.