Malakias 1:4 - BIBLIA - traduson antigu in Krioulo

⁴ Edon pudi fala: “Kontudu no tera danadu, no na torna kumpul.” Ma asin ku SIÑOR ku ten tudu puder fala: “Elis e na kumpu, ma ami N na dana. Jinti na coma elis Tera di Maldadi, un pobu ku SIÑOR sta ku raiba del pa sempri.

Malakias 1:4 ပူးပေါင်းရင်းမြစ်များ

Jo 12:14

Kil ki bati i ka na lantandadu; kil ki fica na kalabus i ka na largadu.

Jo 34:29

Si i kala, kin ku na kondenal? Si i kubri rostu, kin ku na ojal? Ma el i ten puder riba di un nason, tambi riba di un omi son,

Jo 9:4

Si jiresa i fundu, si puder i garandi. Kin ku ciga di purfia ku el, i kapli kastigu?

Salmus 127:1

Si SIÑOR ka kumpu kasa, pedrerus ta tarbaja amonton. Si SIÑOR ka guarda prasa, sintinela ta bisia amonton.

Salmus 137:7

SIÑOR, lembra ke ku edomeus fasi na dia ku Jerusalen kai. E fala: “Batil! Batil te na con!”

Salmus 33:10

SIÑOR ta dana planus di nasons, i ta maina kusas ku jinti pensa fasi.

Ditus 21:30

Si bu sta kontra SIÑOR, nin jiresa nin ntindimentu nin planus e ka na baliu.

Isaias 10:4

Nada mas bo ka pudi fasi, si i ka pa baŝa na metadi di katibus o kai na metadi di mortus. Mesmu asin, raiba di SIÑOR ka kalma, ma si mon sta inda yalsadu.

Isaias 11:14

ma elis juntu e na ataka filisteus na kaida di sol suma falkon; e na ngaña, e na roba rikesa di jinti di saida di sol, ku sedu Edon ku Moab; fijus di Amon na fika bas delis.

Isaias 34:10

Fugu ka na paga nin di dia nin di noti; si fumu na subi pa sempri. Con na fika suma lala di un manjuandadi pa utru; nunka mas ningin ka na pasa la.

Isaias 34:5

Ña spada bibi li na seu tok i cami; ali i na disi riba di Edon pa julga elis, ki pobu ku N na ntrega pa e kabadu ku el.

Jeremias 31:17

Asin i ten speransa pa bu jorson na futuru, pabia bu fijus na riba pa se tera.” Asin ku SIÑOR fala.

Jeremias 49:20

Asin, bo obi planus ku SIÑOR fasi kontra Edon ku kusa ki pui sintidu pa fasi moraduris di Teman. Na bardadi ki mas pikininus di koral e na rastadu; se moradas na danadu tudu.

Jeremias 49:7

Asin ku SIÑOR ku ten tudu puder punta aserka di Edon: “Nta jiresa kaba ja na Teman? Jinti ntindidu e pirdi ja se jitu di da konsiju? O se jiresa dana ja?

Jeremias 49:8

Abos ku mora na Dedan, bo da kosta bo kuri, bo bai sukundi na kobas di pedra, pabia N na tisi mal riba di jorson di Esaú, na tempu di se kastigu.

Jeremias 5:17

E na kume bu kebur ku bu kumida; e na nguli tudu bu fijus femia ku macu; e na kume bu karnel ku bu bakas, bu uvas ku bu figus. Ku spada e na bati tudu bu prasas forti ku bu fiansaba nel.”

Miskiñu di Jeremias 3:37

Kin ku pudi fala un kusa, i bin sedu, si SIÑOR ka manda pa i sedu?

Ezekiel 11:10

Bo na matadu ku spada. N na julga bos na fronteras di Israel. Asin bo na sibi kuma ami i SIÑOR.

Ezekiel 25:13

Suma ke fasi kila, SIÑOR Deus fala asin: N na distindi ña mon kontra Edon, N na mata si omis ku limarias. N na torna tera suma lala, desdi Teman te na Dedan; jinti na matadu ku spada.

Ezekiel 25:14

N na toma vingansa na Edon pa mon di ña pobu Israel. E na fasi Edon konformi ña raiba ku na yardi. Jinti di Edon na kunsi ña vingansa.” Asin ku SIÑOR Deus fala.

Ezekiel 26:14

N na fasiu suma pedra ku diskubridu, un kau pa seka ridia. Nunka mas bu ka na kumpudu. I ami, SIÑOR Deus, ku fala e kusa.”

Ezekiel 35:4

N na dana bu prasas, N na fikau sin ningin. Dipus bu na sibi kuma N sedu SIÑOR.

Ezekiel 35:9

N na pou pa bu sedu un lala pa sempri; ningin ka na mora na bu prasas mas. Asin bo na sibi kuma ami N sedu SIÑOR.

Amos 1:11

Asin ku SIÑOR fala: “Pabia di pekadu di pobu di Edon ke torna buri manga di bias, N ka na purda elis, pabia e pirsigi se ermon, ku sedu jorson di Jakó, ku spada, e fica se korson kontra el. Se raiba ka tene kontrolu; kaba e ta guardal pa sempri.

Amos 3:15

N na bati kasa di tempu di friu ku kasa di tempu di kalur; kasas di marfin ku utru kasas garandi e na kabadu ku el.” Asin ku SIÑOR fala.

Amos 5:11

Bo ta masa koitadi, bo pul pa i paga mpustu di miju. Pabia di kila, bo na kumpu kasas bonitu di pedra, ma bo ka na mora nelis; bo na paranta bon ortas di uva, ma bo ka na bibi se biñu.

Amos 6:11

Ali SIÑOR na da ordi; kasas garandi ku pikininu na kebra-kebradu padasiñu.

Amos 6:2

Bo bai pa Kalné, bo jubi; di la bo ta bai pa prasa garandi di Amat; dipus bo ta ria pa Gat, prasa di filisteus. Nta bo sedu minjor di ki ki renus? O bo tera i mas garandi di ki di selis?

Obadias 1:1

Es i vison di Obadias; i kusa ku SIÑOR Deus fala aserka di Edon: No obi rekadu di SIÑOR oca un mbaŝadur mandadu pa nasons pa i fala: “Bo lanta, no bai geria kontra Edon.”

Obadias 1:10

Pabia di violensia ku bu fasi pa bu ermon Jakó, bu na kubridu ku borgoña, bu na kabadu ku el di un bias.

Malakias 1:3

N pui Esaú aparti, N bidanta si montis suma lala, N da si yardansa pa kacur brabu.”

Mateus 12:30

Kil ku ka sta ku mi i kontra mi. Kil ku ka na judan junta kusas, i na pajigal.