Lukas 9:33 - BIBLIA - traduson antigu in Krioulo

³³ Oca ku ki omis na afasta del pa bai, Pedru fala Jesus: “Mestre, i bon pa no sta li. No ta kumpu tris baraka, un pa bo, utru pa Moisés, utru pa Elias.” (Ma i ka sibiba ke ki na fala.)

Lukas 9:33 ပူးပေါင်းရင်းမြစ်များ

Salmus 27:4

Un kusa ku N pidi SIÑOR, ku N na buska: pa N pudi mora na kasa di SIÑOR tudu dias di ña vida, pa N pudi jubi-jubi bonitasku di SIÑOR, N buskal na si kasa.

Salmus 73:28

Ma pa mi, i bon pa N pertu Deus. N pui ña fiansa na SIÑOR Deus; N na anunsia tudu kusas ki fasi.

Mateus 17:14

Oca ke ciga nunde ku multidon di jinti staba, un omi bai pa Jesus, i finka juju si dianti, i falal:

Mateus 17:4

Pedru kumsa na papia, i fala Jesus: “Siñor, i bon manera ku no sta li. Si bu misti, N ta fasi tris baraka li, un pa bo, un pa Moisés, un pa Elias.”

Markus 10:38

Jesus fala elis: “Bo ka sibi nin ke ku bo na pidi. Nta bo pudi bibi na kopu ku N na bibi nel, o bo pudi batisadu na manera ku N na batisadu?”

Lukas 5:5

Simon ruspundil: “Mestre, no tarbaja ciu noti ntidu, no ka paña nada, ma suma ku bu fala asin, N na bota ridia.”

Lukas 9:34

Suma ki na papiaba inda, nuven bin kubri elis ku si sombra. E panta oca e na yentra na nuven.

Lukas 9:49

Jon falal: “Mestre, no oja un omi ku na tira dimonius na jinti na bu nomi. No falal pa ka i fasil suma i ka di no grupu.”

Bon Noba di Jesus Kristu ku Jon 14:8

Filip falal: “Siñor, si bu mostranu bu Pape, i ta justa.”

2 Koríntius 4:6

Deus, ku fala pa lus lampra na sukuru, i mesmu Deus ku fasi si lus lampra na no korson, pa tisinu kuñisimentu di gloria di Deus ku na lampra na rostu di Jesus Kristu.