Lukas 9:22 - BIBLIA - traduson antigu in Krioulo

²² I fala elis: “I pirsis pa Fiju di omi sufri manga di kusa, pa i negadu pa jinti garandi, ku ŝefis di saserdoti, ku pursoris di lei; pa i matadu; na terseru dia pa i lanta di mortu.”

Lukas 9:22 ပူးပေါင်းရင်းမြစ်များ

Kumsada 3:15

N na pui inimisadi na metadi di bo ku minjer, na metadi di bu jorson ku jorson di minjer. I na masau na kabesa, bu na murdil na kalkañada.”

Daniel 9:26

Ora ku ki kuatrusentus i trinta i kuatru anu kaba, kil ku Deus kuji na matadu; i ka na tene nada. Pobu di un ŝef ku na bin e na kaba ku prasa ku kau sagradu. Si kabantada na sedu suma yagu di diluviu. Gera na ten te na fin. Garandi danu markadu.

Zakarias 13:7

SIÑOR ku ten tudu puder fala: “O spada, disperta, bu lanta kontra ña bakiadur, ki omi ku sedu ña kumpañer! Mata bakiadur; karnelis na pajiga. N na vira ña mon kontra pikininus.”

Mateus 17:12

ma N na fala bos kuma Elias bin ja. E ka raparal, ma e fasil tudu ke ke misti. Asin tambi Fiju di omi na bin sufri na se mon.”

Mateus 17:22

Oca elis na Galileia, Jesus fala si disipulus: “Fiju di omi na ntregadu na mon di omis,

Mateus 27:63

e falal: “Siñor, no lembra kuma ki nganadur, ocalba inda bibu, i fala kuma, dipus di tris dia i na lanta di mortu.

Markus 8:31

I kumsa na nsina elis, i fala kuma Fiju di omi ten ku sufri ciu. Garandis ku ŝefis di saserdoti ku pursoris di lei na negal. I na matadu. Dipus di tris dia i na lanta di mortu.

Markus 9:31

pabia i na nsinaba si disipulus, i fala elis: “Fiju di omi na bin ntregadu na mon di omis. E na matal. Tris dia dipus di muri, i na bin lanta di mortu.”

Lukas 17:25

ma purmeru i ten ku sufri ciu; jinti de tempu na negal.

Lukas 24:26

Nta Kristu ka dibi di sufri e kusas pa i kumsa yentra na si gloria?”

Lukas 24:44

I fala elis: “I e kusas ku N konta bos oca N staba inda ku bos, kuma tudu ku staba skritu di mi na lei di Moisés, ku libru di anunsiaduris, ku salmus, i ten ku sedu.”

Lukas 24:7

kuma Fiju di omi ten ku ntregadu na mon di omis mau, pa i krusifikadu, i lanta na terseru dia.”

Lukas 9:44

“Bo pui e palabra na bo sintidu. Fiju di omi na ntregadu na mon di jinti.”

1 Koríntius 15:4

I nteradu; na terseru dia i lantandadu di mortu, suma ku Skritura fala.