Lukas 9:19 - BIBLIA - traduson antigu in Krioulo

¹⁹ E ruspundil e fala: “Utru jinti ta fala abo i Jon Batista, utrus Elias, utrus ta fala inda kuma, i un di anunsiaduris antigu ku lanta di mortu.”

Lukas 9:19 ပူးပေါင်းရင်းမြစ်များ

Malakias 4:5

“Jubi, N na manda bos anunsiadur Elias, antis di ki dia garandi di SIÑOR ciga, ku na sedu dia meduñu.

Mateus 14:2

i fala si konsijaduris: “Es omi i Jon Batista ku lanta di mortu. E ku manda i ten puder pa fasi e milagris.”

Mateus 3:1

Na ki tempu Jon Batista bai pa lala di Judeia, i na kontaba palabra di Deus, i na fala:

Markus 6:14

Rei Erodis bin obi ki kusa, pabia jinti na papia ciu di Jesus na tudu ladu. Utru jinti fala: “Es i Jon Batista ku lanta di mortu; e ku manda i ten puder pa fasi e milagris.”

Markus 6:15

Utrus fala: “I Elias.” Utrus fala: “I anunsiadur, suma kilis di tempu antigu.”

Lukas 9:18

Un dia ku Jesus na ora, el son, si disipulus staba la. I punta elis: “Kin ku pobu ta fala kuma N sedu?”

Lukas 9:20

I punta elis: “Ma abos, kin ku bo fala kuma N sedu?” Pedru ruspundi i falal: “Mesias di Deus.”

Bon Noba di Jesus Kristu ku Jon 1:21

E puntal: “Nta abo i kin? Abo i Elias?” I ruspundi: “Ami i ka el.” E punta: “Abo i ki anunsiadur ku dibi di bin?” I ruspundi: “Nau.”

Bon Noba di Jesus Kristu ku Jon 1:25

E puntal: “Pabia di ke ku bu na batisa si bu ka sedu nin Mesias, nin Elias, nin ki anunsiadur?”

Bon Noba di Jesus Kristu ku Jon 7:40

Na ki multidon, manga di jinti obi e palabra, e fala: “Na bardadi, es i ki anunsiadur.”

Bon Noba di Jesus Kristu ku Jon 9:17

E torna punta segu: “Abo, ke ku bu ta fala di kil ku kurau?” I ruspundi: “I anunsiadur.”