Lukas 7:38 - BIBLIA - traduson antigu in Krioulo

³⁸ I fika tras, lungu di pe di Jesus, i na cora, i kumsa na mojal pe ku larma, i na limpal ku si kabelu; i na dal beẑu na pe, i na untal ki purfumu.

Lukas 7:38 ပူးပေါင်းရင်းမြစ်များ

Kumsada 18:4

Algin ta tisi un bokadu di yagu, bo ta laba pe; bo ta ngosta bas de arvuri.

Esdras 10:1

Oca ku Esdras na oraba asin, i na konfesa pekadu, i na cora, mborkadu dianti di kasa di Deus, multidon di israelitas junta lungu del, omis ku minjeris ku mininus; e na coraba risu.

Salmus 38:18

N na konfesa ña kulpa; N sta tarpajadu pabia di ña pekadu.

Salmus 51:17

Ña sakrifisiu pa Deus i un spiritu kebrantadu. O Deus, bu ka na njuti un korson kebrantadu ku ripindi.

Eklesiastis 9:8

Ba ta bisti ropa branku sempri, bu unta bu kabesa ku azeiti.

Kantiga di Salomon 1:3

Bu purfumus ta cera sabi; bu nomi i suma purfumu ku darmadu; e ku manda bajudas ta amau.

Isaias 57:9

Bu ta bai pa Molok ku azeiti, bu ta multiplika bu purfumus. Bu ta manda bu mbaŝaduris lunju pa e buska deusis, te na kau di mortus.

Isaias 61:3

I mandan pa N da ordi aserka di jinti tristi na Sion, pa e dadu koroa bonitu na lugar di sinsa, azeiti di kontentamentu na lugar di tristesa, kantiga di ngaba Deus na lugar di spiritu pisadu, pa e pudi comadu arvuris di retidon, ku SIÑOR paranta pa si gloria.

Jeremias 31:9

Ora ke na bin, e na ba ta cora; ora ku N na tisi elis, e na ba ta ora. N na gia elis lungu di riusiñus di yagu, na bon kamiñu ku ka na pui algin pa i kai, pabia N sedu pape pa Israel; Efrain i ña purmeru fiju.

Joel 2:12

SIÑOR fala: “Mesmu ne ora, bo riba pa mi ku tudu bo korson; bo junjuŋa, bo cora, bo miskiña.

Zakarias 12:10

“N na darma spiritu di miserikordia ku orason riba di familia di Davi ku moraduris di Jerusalen. E na oja pa ki algin ke fura, e na jimi pa el suma kin ku na cora si uniku fiju; e na cora risu pa el suma kin ku na cora risu pa si purmeru fiju.

Mateus 5:4

“Sortiadu i kilis ku na cora, pabia Deus na bin konsola elis.

Lukas 22:62

I sai fora, i cora ku garandi tristesa.

Lukas 6:21

“Abos ku tene fomi gosi, bo sortiadu, pabia bo na fartandadu. “Abos ku na cora gosi, bo sortiadu, pabia bo na bin ri.

Lukas 7:37

Un minjer di ki prasa ku teneba mau vida, oca ki sibi kuma Jesus staba na mesa na kasa di ki fariseu, i tisi un jaru kumpudu di un pedra lebi ku ta comadu alabastru, ku teneba purfumu.

Lukas 7:39

Oca fariseu ku kumbidal oja ki kusa, i fala dentru del: “Si es omi sedu anunsiadur, i na sibiba e minjer i kin, i kal koldadi ku na tokal, pabia i minjer di mau vida.”

Bon Noba di Jesus Kristu ku Jon 11:2

Maria i ki minjer ku unta Siñor ku purfumu, i limpal pe ku si kabelu.

Tiagu 4:9

Bo sinti tristi, bo miskiña, bo cora. Bo grasa pa i bida cur; bo alegria pa i bida tristesa.