Lukas 7:29 - BIBLIA - traduson antigu in Krioulo

²⁹ Tudu kilis ku obil, te ku kobraduris di mpustu, e ngaba Deus, pabia e setaba batismu di Jon,

Lukas 7:29 ပူးပေါင်းရင်းမြစ်များ

Salmus 51:4

I kontra bo ku N peka, i son kontra bo; N fasi kil ki mau bu dianti. Asin bu ten tudu roson ora ku bu papia, bu julgan.

Mateus 5:46

Si bo ama son kilis ku ama bos, kal pagamentu ku bo na tene? Nta kobraduris di mpustu ka ta fasi tambi asin?

Lukas 20:6

Si no fala i di omis, tudu jinti na bin danu ku pedra, pabia elis tudu e fia kuma Jon seduba anunsiadur.”

Lukas 3:12

Kobraduris di mpustu bai tambi pa e batisadu; e puntal: “Mestre, ke ku no dibi di fasi?”

Lukas 7:28

N na konta bos kuma, i ka ten ningin ku padidu ne mundu ki mas Jon, ma kil ki mas pikininu na renu di Deus i mas garandi di ki el.”

Lukas 7:35

Ma rusultadu di jiresa di Deus i na mostra kuma i bardadi!”

Atus 18:25

I nsinadu na kamiñu di Siñor, i staba incidu di vida spiritual, i ta papia, i ta nsina ku vida kusa sertu aserka di Jesus, ma i kunsiba son batismu di Jon.

Atus 19:3

I punta elis: “Nta na ke ku bo batisadu?” E falal: “Na batismu di Jon.”

Romanus 10:3

E ka kunsi manera ku Deus ta fasi jinti justu. E buska sedu justu na se propi manera; e ka seta manera ku Deus ranja pa elis.

Apokalipsi 15:3

E na kantaba kantiga di Moisés, servu di Deus, ku kantiga di Karnel, e fala: “O Siñor Deus ku ten tudu puder, kusas ku bu fasi i garandi, i di dimira! O Rei di nasons, bu kamiñus i justu, i di bardadi.

Apokalipsi 16:5

N obi anju ku ten konta di yagu fala: “Justu i abo, Siñor santu, ku sedu, ku seduba, suma ku bu julga e kusas.

Ŝefis 1:7

Adoni-Bezek fala: “Setenta rei, ku dedus garandi di mon ku pe kortadu, e ta pañaba restu di kumida bas di ña mesa. Suma ku N fasi, asin ku Deus fasin tambi.” E lebal pa Jerusalen; la ki muri.