Lukas 7:27 - BIBLIA - traduson antigu in Krioulo

²⁷ Es i kil ku Deus fala del na Skritura: ‘N na manda ña servu bu dianti, ku na kumpu kamiñu pa bo.’

Lukas 7:27 ပူးပေါင်းရင်းမြစ်များ

Isaias 40:3

Algin na grita: “Bo purpara kamiñu pa SIÑOR na lala; bo filanta un strada la pa no Deus.

Malakias 3:1

SIÑOR ku ten tudu puder i fala: “Jubi, N na manda ña servu ku na kumpu kamiñu dianti di mi. Siñor ku bo na buska i na bin di repenti pa si templu; kil ku bo misti i na bin, i tisi kontratu.”

Mateus 11:10

pabia es i kil ku Skritura fala del: ‘N na manda ña servu bu dianti ku na kumpu kamiñu pa bo.’

Markus 1:2

suma ku anunsiadur Isaias skirbi na libru, kuma Deus fala: “N na manda ña servu bu dianti, ku na kumpu kamiñu pa bo.

Lukas 1:76

Abo, ña fiju, bu na comadu anunsiadur di Deus ku sta riba di tudu, pabia bu na bai dianti di Siñor pa purpara si kamiñu,

Lukas 7:26

Ke ku bo sai pa jubi? Un anunsiadur? Bardadi, N na fala bos, i mas di ki anunsiadur.

Lukas 7:28

N na konta bos kuma, i ka ten ningin ku padidu ne mundu ki mas Jon, ma kil ki mas pikininu na renu di Deus i mas garandi di ki el.”

Bon Noba di Jesus Kristu ku Jon 1:23

Jon ruspundi ku palabra di anunsiadur Isaias, i fala: “Ami i vos ku na grita na lala, i fala: ‘Bo filanta kamiñu pa Siñor.’ ”