Lukas 7:14 - BIBLIA - traduson antigu in Krioulo

¹⁴ I ciga, i toka na kaŝon; kilis ku na lebal e para. Jesus fala: “Rapas, abo ku N na fala, lanta!”

Lukas 7:14 ပူးပေါင်းရင်းမြစ်များ

1 Reis 17:21

I distindi kurpu riba di mininu tris bias, i coma SIÑOR, i fala: “O SIÑOR ña Deus, N rogau pa bu torna folgu di vida na kurpu de mininu!”

1 Reis 17:22

SIÑOR obi orason di Elias; mininu kumsa na da folgu, i lanta.

Jo 14:12

asin ku omi ta dita, i ka ta lanta. Tementi seu ka kaba, i ka na korda, nin i ka na disperta na si sonu.

Jo 14:14

Nta si omi muri, i na torna bibu? Tudu dia di ña luta N na pera pa ña situason muda.

Salmus 33:9

El i papia; tudu bin kumpudu; i da ordi; tudu kusa bin sedu.

Isaias 26:19

Bu mortus na bibu, se kurpus na lanta. Abos ku mora na reia, bo disperta, bo grita ku kontentamentu, pabia bu serenu na sedu suma serenu ku ta arnoba paja. Con na da vida pa ki difuntus ku sta nel.

Markus 5:41

I toma mon di bajuda, i falal: “Talita kumi,” ku signifika: “Bajuda, N na fala ku bo; lanta!”

Lukas 7:13

Oca ku Siñor oja ki minjer, i sinti garandi pena del, i falal: “Ka bu cora.”

Lukas 7:15

Difuntu lanta i sinta, i kumsa na papia. Jesus ntregal pa si mame.

Lukas 7:17

E noba di Jesus laga pa tudu Judeia, ku tudu ki reẑions pertu.

Bon Noba di Jesus Kristu ku Jon 11:25

Jesus falal: “Ami i resureison, ami i vida. Kin ku setan, inda ki muri, i ta sta bibu.

Bon Noba di Jesus Kristu ku Jon 5:21

Suma ku Pape ta lantanda mortus, i da elis vida, asin tambi ku Fiju ta da vida pa kilis ki misti da.

Bon Noba di Jesus Kristu ku Jon 5:25

N na torna konta bos bardadi kuma, ora na bin, i ciga ja, ku mortus na obi vos di Fiju di Deus; kilis ku obil e ta bin tene vida.

Romanus 4:17

Libru di Deus fala: “N fasiu pape di manga di nason.” E purmesa sta dianti di uju di kil ku Abraon fiaba nel, ku sedu Deus, kil ku ta da vida pa mortus, ku ta coma kusas ki ka ten suma ki ten.

Efésius 5:12

Kusas ke ta fasi sukundidu, te pa falal i borgoña.