Lukas 6:8 - BIBLIA - traduson antigu in Krioulo

⁸ Jesus kunsi se pensamentu, i fala omi ku teneba mon ku muri: “Lanta, bu sikidu na metadi.” Omi lanta i sikidu.

Lukas 6:8 ပူးပေါင်းရင်းမြစ်များ

1 Kronikas 28:9

“Abo Salomon, ña fiju, rikuñisi Deus di bu papes, bu sirbil ku tudu bu korson, ku pruntidon di spiritu, pabia SIÑOR ta rabista tudu korson, i ta kunsi tudu motivu ku sta tras di kada pensamentu. Si bu buskal bu na ojal, ma si bu disal, i na negau pa sempri.

1 Kronikas 29:17

Ña Deus, N sibi sertu kuma bu ta proba korson di jinti, bu ta kontenti si bu oja bardadi nel. Ami tambi, N dau tudu e kusas ku sinseridadi di ña korson, ku tudu ña vontadi. Gosi N sta kontenti pa oja manera ku bu pobu ku sta li e dau ku tudu vontadi.

Jo 42:2

“N sibi kuma bu pudi fasi tudu; nin un di bu planus ka pudi mpididu.

Salmus 44:21

sertamenti Deus na sibilba, suma i kunsi sigridus di korson.

Isaias 42:4

I ka na fraksi nin i ka na bin kebrantadu tok i pui justisa na tera. Jinti di jius na pui se speransa na si nsinamentu.”

Mateus 9:4

Jesus kunsi se pensamentu, i punta: “Pabia di ke ku bo na pensa mal na bo kabesa?

Markus 3:3

Jesus fala omi ku si mon muri: “Lanta, bu bin li na metadi.”

Lukas 13:12

Oca ku Jesus ojal, i comal pa i bin, i falal: “Minjer, bu sta libri di bu duensa.”

Lukas 5:22

Jesus ntindi se pensamentu, i ruspundi elis, i punta: “Ke ku manda bo na pensa de manera?

Lukas 6:9

Jesus fala elis: “N na punta bos un kusa: lei fala pa no fasi ben o mal na dia di diskansu? o pa salba vida o pa tiral?”

Bon Noba di Jesus Kristu ku Jon 2:25

I ka pirsisaba pa ningin kontal aserka di jinti, pabia el i sibi diritu ke ku sta na se korson.

Bon Noba di Jesus Kristu ku Jon 21:17

Jesus puntal terseru bias: “Simon, fiju di Jon, bu aman?” Simon fika tristi manera ku Jesus puntal tris bias si i amal. I ruspundil: “Siñor, bu sibi tudu; bu sibi kuma N amau.” Jesus falal: “Bakia ña karnel.

Bon Noba di Jesus Kristu ku Jon 9:4

I pirsis pa N fasi tarbaju di kil ku mandan nkuantu i dia; noti na bin, ora ku ningin ka na pudi tarbaja.

Atus 20:24

ma ami, N ka da ña vida nin un balur; N misti son kompleta ña kurida ku alegria, pa kabanta tarbaju ku Siñor Jesus dan pa N fasi, pa N konta palabra di Bon Noba di grasa di Deus.

Atus 26:26

Rei ku N na papia si dianti ku koraẑen i sibi de kusas. N fia kuma nada delis ka sukundidu del, pabia i ka fasidu na nin un kantu.

Filipensis 1:28

Na nada ka bo ten medu di kilis ku sta kontra bos. Es na sedu un sinal pa elis kuma e ten ku pirdi, ma pa bos i sinal di salbason ku Deus na da bos,

Ebreus 4:13

I ka ten nada ku Deus kumpu ku pudi sukundi del, ma tudu kusa sta nun i klaru na uju di kil ku no ten ku da konta si dianti.

1 Pedru 4:1

Gosi, suma ku Kristu sufri na kurpu, abos tambi bo fika firmi ku e mesmu sintidu ku el i teneba, pabia kil ku sufri na kurpu i kaba ja ku pekadu.

Apokalipsi 2:23

N na mata si fijus. Tudu igreẑas na bin sibi kuma ami i kil ku ta rabista korson ku pensamentu di jinti; N na da kada un di bos konformi kil ki fasi.