Lukas 6:43 - BIBLIA - traduson antigu in Krioulo

⁴³ “I ka ten nin un po bon ku ta da fruta ku ka bali, nin un po ku ka bali ku ta da bon fruta,

Lukas 6:43 ပူးပေါင်းရင်းမြစ်များ

Isaias 5:4

Ke ku pudiba fasidu inda pa ña orta di uva ku N ka fasil? Suma ku N na speraba pa i padi bon uva, kuma ki yanda i padi uvas brabu?

Isaias 61:3

I mandan pa N da ordi aserka di jinti tristi na Sion, pa e dadu koroa bonitu na lugar di sinsa, azeiti di kontentamentu na lugar di tristesa, kantiga di ngaba Deus na lugar di spiritu pisadu, pa e pudi comadu arvuris di retidon, ku SIÑOR paranta pa si gloria.

Jeremias 2:21

I ami propi ku parantau, suma bon rasa di pe di uva, ku nasi di simentera puru. Kuma ku bu torna pa mi un po brabu, un planta ku pirdi si koldadi?

Mateus 12:33

“Bo ta fala po bon pabia si fruta i bon; o bo ta fala po ka bali pabia si fruta ka bali. I klaru kuma kada po ta kunsidu pa si fruta.

Mateus 3:10

Mancadu sta ja pruntu pa korta arvuris pa rais. Tudu arvuri ku ka ta padi bon fruta i ta kortadu, i botadu na fugu.

Lukas 6:42

Kuma ku bu pudi fala bu ermon: ‘Ermon, pera N tirau puera ku sta na bu uju’, bu ka oja padas di po ku sta na di bo? Finjidur! Tira purmeru ki po ku sta na bu uju; bu ta pudi oja diritu pa tira puera ku sta na uju di bu ermon.