Lukas 6:38 - BIBLIA - traduson antigu in Krioulo

³⁸ Bo da, bo ta dadu. E ta kambia bos na panu midida incidu, kalkadu, sakudidu, tok i na darma, pabia ku mesmu midida ku bo midi, el ku bo na torna mididu ku el.”

Lukas 6:38 ပူးပေါင်းရင်းမြစ်များ

2 Samuel 19:36

Pabia di ke ku rei misti dan e garandi premiu? Bu servu na kamba Jordon pa kumpaña Ñu Rei un bokadu son;

Ester 7:10

Asin e nforka Aman na ki po ki purparaba pa Mardokeu. Dipus di kila, raiba di rei bin fria.

Ester 9:25

Oca rei bin sibi de kusa, i manda kartas pa ki planu malvadu ku Aman teneba kontra judeus pudi torna kai riba di si kabesa. Asin el ku si fijus e nforkadu na po.

Jo 42:11

Tudu si ermons macu ku femia, ku tudu jinti ku tarda kunsilba, e bai falal manteña, e kume ku el na si kasa, e konsolal di tudu mal ku SIÑOR mandaba riba del. Kada kin dal diñeru ku anel di uru.

Salmus 79:12

SIÑOR, paga no visiñus seti bias mas di ki disprezu ke ferca pa bo.

Saida 21:24

uju pa uju, dinti pa dinti, mon pa mon, pe pa pe,

Ditus 10:22

Benson di SIÑOR ta tisi rikesa; i ka ta buri tristesa riba del.

Ditus 19:17

Kin ku pati koitadi un kusa, i pista SIÑOR; SIÑOR na bin pagal si bondadi.

Ditus 22:9

Kin ku ta pati i ta sedu bensuadu, pabia i rapati si kumida ku koitadi.

Jeremias 32:18

Bu ta fasi bondadi pa milyaris di jinti, ma bu ta pui maldadi di papes pa i kai riba di fijus. Abo i Deus garandi, puderosu, ku ten nomi di SIÑOR ku ten tudu puder.

Mateus 10:42

Kualker algin ku ciga di da, nin si i un kopu di yagu fresku pa un de mas puku, pabia el i ña disipulu, na bardadi N na konta bos kuma, di nin un manera i ka na pirdi si pagamentu.”

Mateus 7:2

pabia manera ku bo julga utrus, asin tambi ku bo na julgadu. Midida ku bo midi ku el, i el ku bo na mididu ku el tambi.

Markus 4:24

I fala elis tambi: “Bo para sintidu na kil ku bo na obi. Midida ku bo midi ku el, el ku jinti na midi bos ku el; e na buri inda mas pa bos.

Lukas 6:30

Pati tudu kil ku pidiu. Si algin toma kil ki di bo, ka bu torna pidil el mas.

Ripitison di Lei 15:10

Dal ku mon abertu; ka bu miskiña na bu korson ora ku bu na dal. Si bu da di bon korson, SIÑOR bu Deus na bensuau na tudu kil ku bu na fasi ku bu mon.

Tiagu 2:13

Kilis ku ka ten miserikordia pa utrus, e na julgadu sin miserikordia. Miserikordia ta ngaña riba di julgamentu.

Ŝefis 1:7

Adoni-Bezek fala: “Setenta rei, ku dedus garandi di mon ku pe kortadu, e ta pañaba restu di kumida bas di ña mesa. Suma ku N fasi, asin ku Deus fasin tambi.” E lebal pa Jerusalen; la ki muri.