Lukas 6:30 - BIBLIA - traduson antigu in Krioulo

³⁰ Pati tudu kil ku pidiu. Si algin toma kil ki di bo, ka bu torna pidil el mas.

Lukas 6:30 ပူးပေါင်းရင်းမြစ်များ

Salmus 112:9

I ta da ciu pa koitadis; si retidon na kontinua pa sempri; i na garandisidu ku gloria ku puder.

Salmus 41:1

Sortiadu i kil ku ta pensa na koitadis; SIÑOR na libral na dia di foronta.

Ditus 19:17

Kin ku pati koitadi un kusa, i pista SIÑOR; SIÑOR na bin pagal si bondadi.

Ditus 21:26

Tudu dia i na pensa son na kil ki misti, ma omi bon ta da ku mon abertu.

Ditus 22:9

Kin ku ta pati i ta sedu bensuadu, pabia i rapati si kumida ku koitadi.

Eklesiastis 11:2

Rapati bu nogos ku seti o oitu, pabia bu ka sibi kal mal ku na bin na mundu.

Eklesiastis 8:16

N pui sintidu pa kunsi jiresa, pa N jubi tarbaju ku ta fasidu na mundu, pabia, nin di dia, ku fadi di noti, omi ka ta fica uju pa durmi.

Mateus 18:35

Asin tambi ku ña Pape ku sta na seu na bin fasi bos si kada un di bos ka purda di korson si ermon.”

Mateus 5:39

Ma ami N na konta bos: Ka bo risisti kil ku na fasi bos mal, ma si algin dau bofotada na ladu direita, paral ki utru ladu.

Mateus 6:12

Purdanu mal ku no fasi, suma ku no purda kilis ku fasinu mal.

Lukas 11:41

Bo pati kil ku bo tene pa pobris; asin tudu kusas ta sedu limpu pa bos.

Lukas 12:33

Bo bindi kil ku bo tene, bo da pobris. Bo ranja pa bos kartera ku ka ta beju, ku rikesa na seu ku nunka ka ta kaba, nunde ku ladron ka ta ciga, nin bagabaga ka ta kumel,

Lukas 18:22

Oca ku Jesus obi es, i falal: “I faltau inda un kusa. Bindi tudu ku bu tene, bu da pobris diñeru, bu ta tene rikesa na seu. Dipus bu ta bin, bu sigin.”

Lukas 6:29

Si algin dau na un ladu di rostu, paral ki utru ladu; kin ku tirau kasaku, ka bu tujil tambi kamisa.

Lukas 6:31

Bo fasi utru jinti suma ku bo misti pa e fasi bos.

Lukas 6:38

Bo da, bo ta dadu. E ta kambia bos na panu midida incidu, kalkadu, sakudidu, tok i na darma, pabia ku mesmu midida ku bo midi, el ku bo na torna mididu ku el.”

Atus 20:35

N mostra bos na tudu kusa kuma no dibi di tarbaja ciu pa pudi juda duentis ku frakus. No dibi di lembra palabra di Siñor Jesus ku fala: ‘I mas minjor da di ki bo risibi.’ ”

2 Koríntius 8:9

Bo sibi kuma no Siñor Jesus Kristu staba pruntu pa da. El i seduba riku, ma pa amor di bos i bida pobri, pa i pudi fasi bos riku pabia di si pobresa.

Efésius 4:28

Kil ku ta furtaba, pa i para furta, i pega ku si mon, i fasi bon tarbaju, pa i pudi tene kil ku ciga pa i rapati ku kil ku ka tene.