Lukas 6:27 - BIBLIA - traduson antigu in Krioulo

²⁷ “N fala bos ku na obi: Bo ama bo inimigus; bo fasi ben pa kilis ku nfastia bos;

Lukas 6:27 ပူးပေါင်းရင်းမြစ်များ

1 Reis 13:6

Rei fala omi di Deus: “Ora, bu buska SIÑOR bu Deus, bu roga pa mi, pa ña mon pudi san.” Omi di Deus ora dianti di SIÑOR; mon di rei kuradu, i torna suma ki staba.

Salmus 7:4

si N fasi mal pa kil ku ten pas ku mi, (ma N libra kil ku, sin roson, na kansan) —

Ditus 24:17

Ora ku bu inimigu kai, ka bu ŋuminil, nin ka bu fika kontenti si i da tapada.

Ditus 25:2

Gloria di Deus i pa kubri kusas; gloria di reis i pa diskubri sigridu.

Markus 4:24

I fala elis tambi: “Bo para sintidu na kil ku bo na obi. Midida ku bo midi ku el, el ku jinti na midi bos ku el; e na buri inda mas pa bos.

Lukas 23:34

Jesus fala: “Ña Pape, purda elis, pabia e ka sibi ke ke na fasi.” E juga sorti pa rapati si ropa.

Lukas 6:22

“Abos i sortiadu ora ku jinti nfastia bos pabia di Fiju di omi, e serka bos na se metadi, e koba bos, e nega bos, e fala kuma bo mau.

Lukas 6:35

Bo ama bo inimigus, bo fasi ben, bo pista; ka bo pera pagamentu; asin bo ta bin risibi garandi premiu; bo ta sedu fijus di Deus ku sta riba di tudu, pabia el i bon pa kilis ku ingratu i mau.

Lukas 8:15

Ma kil ku kai na bon terenu i mostra kilis ku obi palabra, e guardal na bardadi ku bon korson, e pega tesu, e ta da frutu.

Lukas 8:18

Bo toma sintidu na manera ku bo ta sukuta. Kualker algin ku tene, i ta dadu, ma kualker ku ka tene, te kil ki kuda kuma i tene i na tiradu el.”

Lukas 8:8

Utru kai na bon terenu, i nasi, i padi; kada un da sen.” Oca ki fala e kusa li, i fala risu: “Kin ku tene oreja pa obi, pa i sukuta.”

Atus 10:38

Bo sibi aserka di Jesus di Nazaré, kuma ku Deus unjil ku Spiritu Santu ku puder. I yanda tudu parti, i na fasi ben, i na kura tudu ku sta bas di puder di diabu, pabia Deus staba ku el.

Atus 16:28

ma Paulu grita ku vos altu, i falal: “Ka bu fasi bu kabesa mal, pabia alinu li tudu.”

Atus 7:60

Dipus i kai ku juju, i grita ku vos forti: “Siñor, ka bu guarda e pekadu kontra elis.” Oca ki fala asin, i diskansa.

Gálatas 6:10

Asin, nkuantu no ten manera, no fasi ben pa tudu jinti, ma purmeru pa no familia na fe.

1 Tesalonisensis 5:15

Bo jubi pa ka ningin torna mal pa mal; bo buska fasi ben sempri, un pa utru, i pa tudu jinti.

3 Jon 1:11

Ña kiridu ermon, ka bu remenda kusa mau, ma son kil ki bon. Algin ku ta fasi ben i di Deus, ma kil ku ta fasi mal i ka oja Deus.