Lukas 6:26 - BIBLIA - traduson antigu in Krioulo

²⁶ “Koitadi di bos ora ku tudu jinti na ngaba bos, pabia asin ku se papes di antigu fasiba ku anunsiaduris falsu.

Lukas 6:26 ပူးပေါင်းရင်းမြစ်များ

Ditus 27:21

Suma ku prata ku uru ta probadu na fugu, karater di omi ta probadu ora ki ngabadu.

Isaias 30:10

ku ta fala videntis: “Ka bo oja mas vison;” e fala anunsiaduris: “Ka bo anunsianu kusas ki diritu; bo kontanu son kil ku no gosta del, bo anunsia konformi no imaẑinason.

Jeremias 5:31

Anunsiaduris na anunsia mintida, saserdotis na manda ku forsa di anunsiaduris. I kila propi ku ña pobu misti, ma ke ku bo na fasi ora ku e kusas ciga na kabantada?

Mikeias 2:11

“Si algin munturus ku tene spiritu di nganu fala: ‘Ami N na anunsia kuma biñu ku bibida forti na ciu,’ es i na sedu anunsiadur ku e pobu misti.

Mateus 7:15

“Bo toma sintidu ku anunsiaduris falsu ku bin nunde bos bistidu suma karnel, ma dentru e sedu lubus ku ta mata.

Lukas 6:25

“Koitadi di bos ku sta fartu gosi, pabia bo na bin tene fomi. “Koitadi di bos ku na ri gosi, pabia bo na bin miskiña, bo na cora.

Bon Noba di Jesus Kristu ku Jon 15:19

Si bo seduba di mundu, mundu ta ama kil ki di sil, ma suma abos i ka di mundu, ma ami N kuji bos na mundu, e ku manda jinti di mundu ta nfastia bos.

Bon Noba di Jesus Kristu ku Jon 7:7

Jinti di mundu ka pudi nfastia bos, ma ami e ta nfastian, pabia N ta konta elis sempri kuma e ta fasi mal.

Romanus 16:18

pabia kilis ku ta fasi asin e ka na sirbi Kristu no Siñor, ma e na sirbi se propi vontadi. E ta ngana menti di jinti inosenti ku se boka sabi ku ngodu.

Tiagu 4:4

Abos jinti ku ka fiel pa Deus, bo ka sibi kuma amisadi ku mundu i inimisadi ku Deus? Asin, kil ku misti sedu amigu di mundu i ta bida inimigu di Deus.