Lukas 6:25 - BIBLIA - traduson antigu in Krioulo

²⁵ “Koitadi di bos ku sta fartu gosi, pabia bo na bin tene fomi. “Koitadi di bos ku na ri gosi, pabia bo na bin miskiña, bo na cora.

Lukas 6:25 ပူးပေါင်းရင်းမြစ်များ

Salmus 49:19

i na bai junta ku jorson di si papes, ku ka na oja klaridadi.

Ditus 14:13

Te na ri, korson pudi sta na kasabi. Kontentamentu pudi kaba na tristesa.

Ditus 30:9

Si N bin tene ciu dimas, N pudi negau, N punta: “Kin ki SIÑOR?” O N pudi torna koitadi, N bin furta, N tisi borgoña na nomi di Deus.

Eklesiastis 2:2

N fala: “Pa ri i tulesa; kontentamentu tambi, pa ke ki sirbi?”

Eklesiastis 7:3

Tristesa i minjor di ki ri; i ta pui rostu tristi, ma tambi i ta fasi ben pa korson.

Eklesiastis 7:6

Si un tulu na ri, i suma baruju di leña di fidida bas di kasarola. Es tambi i bakatela.

Isaias 28:7

Mesmu saserdotis ku anunsiaduris na singa-singa pabia di biñu, e sta na kunfuson pabia di bibida forti. Anunsiaduris ta bibi biñu tok e ka pudi ntindi vison ku Deus da elis; saserdotis ta bibi tok e ta ntrumpi na julga.

Isaias 65:13

E ku manda SIÑOR Deus fala: “Jubi, ña servus na kume, ma abos bo na sufri fomi; ña servus na bibi, ma abos bo na tene sedi; ña servus na kontenti, ma abos bo na pasa borgoña.

Isaias 8:21

E na yanda-yanda na tera, disanimadu, ku fomi. Ora ke foronta ku fomi e na paña raiba, e na jubi riba, e papia mal di se rei ku se Deus.

Isaias 9:20

Jinti di ladu direita na paña pa kume, ma e na tene fomi inda; kilis di ladu skerda na kume ma e ka na farta. Kada kin na kume karni di si fiju.

Amos 8:10

“N na pui bo festivalis ku tudu bo kantigas pa e bida cur; N na pui pa bo mara saku, bo rapa kabesa. N na fasil suma cur di uniku fiju; si kabantada na sedu dia di kasabi.”

Naun 1:10

Mesmu ke miti na metadi di fididas, e bibi biñu tok, suma camidur, e na kemadu suma paja seku.

Lukas 12:20

Ma Deus falal: ‘Tulu, e di noti li bu ten ku ntrega bu vida. Kil ku bu purpara, pa kin ki na sedu?’

Lukas 13:28

Bo na cora la, bo na ñeme dinti, ora ku bo oja Abraon, Isak ku Jakó ku tudu anunsiaduris na renu di Deus, abos bo botadu fora.

Lukas 6:24

“Koitadi di bos ku riku, pabia bo risibi ja bo sabura.

Lukas 6:26

“Koitadi di bos ora ku tudu jinti na ngaba bos, pabia asin ku se papes di antigu fasiba ku anunsiaduris falsu.

Lukas 8:53

Jinti ril, pabia e sibi kuma i sta mortu.

Efésius 5:4

Bo ka dibi di papia palabra fiu, nin kombersa tulu, nin brajerisa indisenti, ma bo dibi di ba ta fala Deus obrigadu.

1 Tesalonisensis 5:3

Ora ku jinti fala kuma tudu sta susegadu, suguru, i ta oja garandi danu ciga riba delis di repenti, suma ku dur di partu ta ciga na minjer preñada. Di nin un manera e ka na kapli.

Tiagu 4:9

Bo sinti tristi, bo miskiña, bo cora. Bo grasa pa i bida cur; bo alegria pa i bida tristesa.

Apokalipsi 3:17

Bu fala bu sedu riku, bu tene tudu, nada ka faltau; bu ka sibi kuma abo i un koitadi, disgrasadu, pobri, segu i nun.

1 Samuel 2:5

Kilis ku staba fartu e na buska tarbaju pa e pudi oja kumida; kilis ku teneba fomi, gosi e para tene fomi. Minjer ku ka ta padi i tene seti fiju; kil ku teneba manga di fiju i fika fraku.