Lukas 6:12 - BIBLIA - traduson antigu in Krioulo

¹² Na ki tempu Jesus subi na monti pa bai ora; i pasa noti ntidu na orason pa Deus.

Lukas 6:12 ပူးပေါင်းရင်းမြစ်များ

Salmus 22:2

Ña Deus, N ta comau di dia, bu ka kudin; N ta comau di noti, N ka ten susegu.

Isaias 26:9

Di noti N ta dijau di korson; parmaña sedu N ta buskau di spiritu. Ora ku bu julga mundu, jinti ku mora nel na nsina yanda diritu.

Daniel 6:10

Oca ku Daniel bin sibi kuma ki lei sinadu, i yentra na si kasa, nunde ki tenba un kuartu ku janelas abertu na ladu di Jerusalen. Tris bias na un dia i ta finkaba juju i ora, i fala si Deus obrigadu, suma ki kustumaba ta fasi.

Mateus 5:1

Jesus oja manga di jinti, i subi na un monti, i sinta; si disipulus bai lungu del.

Mateus 6:6

Ma ora ku bu na ora, yentra dentru di bu kuartu, bu fica porta, bu papia ku bu Pape ku ka ta ojadu. Bu Pape ku ta oja kil ku ta fasidu na sigridu i ta bin pagau.

Markus 1:35

Parmaña sedu, oca kau sukuru inda, Jesus lanta, i sai, i bai pa un lugar dingidu fora di tabanka pa fasi orason.

Markus 3:13

Jesus subi na monti, i coma kilis ki mistiba. E bai pa el.

Markus 6:46

Oca i kaba dispidi elis, i bai pa montaña pa ora.

Lukas 5:16

ma el i ta buskaba sempri un lugar dingidu pa bai ora.

Lukas 6:11

E paña raiba dimas; e fika e na papia entri elis ke ke dibi di fasi ku Jesus.

Lukas 6:17

Jesus ria na monti ku elis, i sikidu na un lugar planu ku manga di si disipulus. I staba la tambi garandi multidon di pobu di Judeia, Jerusalen ku reẑion di Tiru ku Sidon, pertu di mar.

Lukas 9:18

Un dia ku Jesus na ora, el son, si disipulus staba la. I punta elis: “Kin ku pobu ta fala kuma N sedu?”

Lukas 9:28

Pertu di un semana dipus di fala e palabras, i toma Pedru, Jon ku Tiagu, i subi ku elis na monti pa bai ora.

Lukas 9:29

Oca i na ora, parsensa di si rostu torkia, si ropa bida branku fandan, i na lampra.

Bon Noba di Jesus Kristu ku Jon 6:3

I bai subi na monti, i sinta la ku si disipulus.

Kolosensis 4:2

Bo pega tesu na orason; bo yabri sintidu nel pa bisia; bo fala Deus obrigadu.

Ebreus 5:7

Oca i na vivi na mundu, i yalsa vos ku larma na orason, i pidi Deus, kil ku pudiba libral di mortu. I obidu pabia el i rispitadur di Deus.

1 Samuel 15:11

“N ripindi manera ku N pui Saul pa i sedu rei, pabia i disa di sigin, i ka obdisi ña ordi.” Samuel fika tristi, i coma SIÑOR tudu ki di noti.