Lukas 5:24 - BIBLIA - traduson antigu in Krioulo

²⁴ N na mostra bos kuma Fiju di omi ten puder na tera pa purda pekadu.” I rabida, i fala duenti: “Abo ku N na fala, lanta, bu toma bu kanape, bu bai pa bu kasa.”

Lukas 5:24 ပူးပေါင်းရင်းမြစ်များ

Isaias 53:11

Dipus di sufrimentu ki pasa na si vida, i na oja lus, i na fika kontenti. Ña servu justu na justifika manga di jinti ku kunsil, pabia i na leba se pekadu riba del.

Daniel 7:13

Na ña visons di noti, N fika N na jubi, N oja un algin suma fiju di omi ku na bin na nuvens di seu. I bai pa kil ku staba sempri bibu, i pursentadu si dianti.

Mateus 16:13

Oca Jesus ciga na reẑion di Sesareia di Filip, i punta si disipulus: “Kin ku jinti fala kuma Fiju di omi i sedu?”

Mateus 25:31

“Ora ku Fiju di omi bin na si gloria, ku tudu anjus, i na sinta na tronu di si gloria.

Mateus 26:64

Jesus ruspundil: “I suma ku bu fala, ma N na konta bos kuma, i ka na tarda, bo na oja Fiju di omi sintadu na direita di kil ku ten puder; i na bin riba di nuvens di seu.”

Mateus 28:18

Jesus ciga pertu, i fala elis: “N dadu tudu puder na seu ku tera.

Mateus 4:24

Fama di Jesus laga pa tudu ladu na Siria; jinti ta tisil tudu kilis ku na sufri di manga di koldadi duensa ku sufrimentu, kilis ku tene spiritus mau, kilis ku ta da ataki ku kilis ku ka pudi bulbuli kurpu. Jesus kura elis.

Mateus 9:6

Gosi bo na sibi kuma Fiju di omi ten puder na tera pa purda pekadu.” I rabida i fala duenti: “Lanta, bu toma bu kanape, bu bai pa kasa.”

Lukas 5:13

Jesus distindi mon, i tokal, i falal: “N misti; fika limpu!” Na ki ora mpincu pirdi nel.

Lukas 5:18

Utru omis bin, e tisi un omi na kanape pabia i duensi tok i ka pudi bulbuli si kurpu. E buska manera di lebal dentru, pa ditandal dianti di Jesus.

Lukas 5:23

Kal ki mas lestu, pa fala: ‘Bu pekadu sta ja purdadu,’ o pa fala: ‘Lanta, bu yanda’?

Lukas 7:14

I ciga, i toka na kaŝon; kilis ku na lebal e para. Jesus fala: “Rapas, abo ku N na fala, lanta!”

Lukas 8:54

Jesus pegal na mon, i comal, i fala: “Bajuda, lanta.”

Bon Noba di Jesus Kristu ku Jon 11:43

Oca i kaba papia, i yalsa vos i fala: “Lazaru, sai pa fora!”

Bon Noba di Jesus Kristu ku Jon 17:2

suma ku bu dal puder riba di tudu jinti, pa i pudi da vida ku ka ta kaba pa tudu kilis ku bu ntregal.

Bon Noba di Jesus Kristu ku Jon 3:13

Ningin ka subi na seu si i ka kil ku ria di seu, ku sedu Fiju di omi.

Bon Noba di Jesus Kristu ku Jon 5:27

I dal puder di julga jinti pabia i Fiju di omi.

Atus 14:10

i falal ku vos altu: “Lanta, bu sikidu diritu riba di bu pe!” Omi jukuta, i yanda.

Atus 5:31

Deus yalsal pa i sta na si mon direita, pa i sedu Ŝef ku Salbadur, pa da Israel manera di ripindi, pa se pekadu purdadu.

Atus 9:34

Pedru falal: “Eneias, Jesus Kristu na kurau. Lanta, bu kumpu bu kama.” I lanta janan.

Atus 9:40

Pedru pui jinti pa e sai tudu na kuartu. I finka juju, i ora, i rabida pa difuntu, i falal: “Tabita, lanta!” Minjer yabri uju, i oja Pedru, i lanta, i sinta.

Apokalipsi 1:13

Na metadi di kanderus i staba un algin ku parsi omi; i bisti un ropa kumpridu te na pe, i mara sintu di uru riba di pitu.