Lukas 5:14 - BIBLIA - traduson antigu in Krioulo

¹⁴ Jesus dal ordi pa ka i konta ningin nada, i falal: “Bai, bu mostra saserdoti bu kurpu; suma ku bu sta limpu, bu ta da oferta ku Moisés manda pa i sedu tustumuñu pa elis.”

Lukas 5:14 ပူးပေါင်းရင်းမြစ်များ

Sirmonias 13:2

“Si algin ten kau ku inca, o sinal branku sai na si peli, o i tene spiña, kusas ku pudi bin sedu mpincu ku ta kamba, i ten ku lebadu pa saserdoti Aron o pa un di si fijus ku sedu saserdoti.

Sirmonias 13:49

Si ki manca na ropa, na kuru, o na fiu ku ropa ta kumpudu ku el, o na kualker kusa kumpudu di kuru, i parsi kor verdi o burmeju, i sedu lima ku ta kamba; i ten ku mostradu pa saserdoti.

Mateus 10:18

Pabia di mi bo na lebadu dianti di gubernaduris ku reis, pa bo pudi sedu tustumuñas pa elis ku kilis ku ka sedu judeu,

Mateus 12:16

I da elis ordi forti pa ka e konta nada del,

Mateus 8:4

Jesus falal: “Jubi, ka bu konta ningin, ma bai pa saserdoti, bu mostral bu kurpu, bu da Deus oferta ku Moisés manda, pa i pudi sirbi elis di tustumuñu kuma bu sta kuradu.”

Mateus 9:30

Ki ora uju di ki dus segu yabri. Jesus papia risu ku elis, i fala: “Ka ningin sibi de kusa.”

Markus 1:44

i falal: “Jubi, ka bu konta ningin nada. Bai pa saserdoti, bu mostral bu kurpu, bu da Deus oferta ku Moisés manda, manera ku bu sta ja limpu. Es i ta sirbi proba kuma bu sta kuradu.”

Markus 6:11

Si jinti di utru tabanka ka risibi bos, e ka misti sukuta bos, ora ku bo na sai la, bo konkoñi puera ku sta na bo pe, pa sinal kontra elis.”

Lukas 17:14

Oca i oja elis i fala: “Bo bai nunde saserdotis pa e jubi bos.” Suma ke na bai na kamiñu, se kurpu san di ki duensa, e bida limpu.

Lukas 5:13

Jesus distindi mon, i tokal, i falal: “N misti; fika limpu!” Na ki ora mpincu pirdi nel.

Lukas 9:5

ma na prasa ke ka risibi bos, ora ku bo na sai, bo konkoñi puera di bo pe pa i sedu sinal kontra elis.”