Lukas 4:40 - BIBLIA - traduson antigu in Krioulo

⁴⁰ Oca ku sol na kai, tudu kilis ku teneba jinti ku na sufri ku manga di koldadi duensa e leba elis pa Jesus. I pui si mon riba di kada un, i kura elis.

Lukas 4:40 ပူးပေါင်းရင်းမြစ်များ

Mateus 11:5

Kilis ku segu e na oja; mankus na yanda; kilis ku tene mpincu na kuradu; kilis ku surdu na obi; kilis ku muri na lanta; koitadis na kontadu Bon Noba.

Mateus 14:13

Jesus obi ki noba, i sai di la na un barku pa un lugar dingidu. Oca jinti sibi, e sigil ku pe, desdi prasas.

Markus 3:10

Manera ki kuraba manga di jinti, tudu duentis na pinca ŋutru pa e pudi ciga e toka nel.

Markus 5:23

i rogal, i fala: “Ña fiju femia sta kuas pa muri. N na pidiu garandi fabur pa bu bai, bu pui mon riba del, bu kural, pa i pudi san.”

Markus 6:5

I ka pudiba fasi milagris la; i pui mon son riba di utru duentis, i kura elis, ma e puku ba.

Atus 19:12

di manera ku jinti ta tomaba lensu o avental ku toka na si kurpu, e ta leba pa duentis; duensa ta kuriba delis; spiritu mau ta sai nelis.

Atus 5:15

Asin jinti ta lebaba duentis pa rua; e ta ditandadu na kama o na stera, pa ora ku Pedru na pasa, nin si i pa si sombra kubri utrus.