Lukas 4:4 - BIBLIA - traduson antigu in Krioulo

⁴ Jesus ruspundil: “I sta skritu kuma i ka son kumida ku ta da omi vida.”

Lukas 4:4 ပူးပေါင်းရင်းမြစ်များ

Saida 23:25

Bo na adoran, ami SIÑOR bo Deus; asin N na bensua bo kumida ku yagu. N na tira duensas na bo metadi.

Isaias 8:20

Bo bai pa lei ku palabra di Deus! Si jinti ka fala konformi e palabra, nunka e ka na oja lus di mandrugada.

Jeremias 49:11

Disa bu orfans; ami N na guarda elis ku vida. Bu viuvas e na fia na mi.

Mateus 4:4

Jesus ruspundil: “I sta skritu kuma i ka son kumida ku ta da omi vida, ma tambi tudu palabra ku ta sai na boka di Deus.”

Mateus 6:31

“Asin, ka bo fika fadigadu na punta: ‘Ke ku no na kume?’ o: ‘Ke ku no na bibi?’ ku fadi: ‘Ke ku no na bisti?’

Lukas 22:35

I torna punta elis: “Oca N manda bos sin kartera, nin saku, nin sapatu, kualker kusa falta bos?” E ruspundil: “Nada ka faltanu.”

Lukas 4:10

pabia i sta skritu kuma, Deus na da si anjus ordi pa e guardau.

Lukas 4:3

Diabu falal: “Si abo i Fiju di Deus, manda e pedra pa i bida pon.”

Lukas 4:8

Jesus ruspundi, i falal: “I sta skritu kuma bu na adora Siñor bu Deus; son el ku bu na sirbi.”

Efésius 6:17

Bo toma tambi salbason suma kapasiti, ku spada ku Spiritu ta da ku sedu palabra di Deus.

Ripitison di Lei 8:3

I baŝau, i disau sinti fomi; dipus i dau maná pa kume, un kusa ku nin abo nin bu papes ka kunsiba. I fasi asin pa nsina bos kuma i ka son kumida ku ta da omi vida, ma tambi i tudu palabra ku sai na boka di Deus.