Lukas 3:11 - BIBLIA - traduson antigu in Krioulo

¹¹ I ruspundi i fala elis: “Kin ku tene dus kamisa, pa i rapati ku kil ku ka tene nin un son. Kil ku tene kusa di kume, pa i fasi mesmu.”

Lukas 3:11 ပူးပေါင်းရင်းမြစ်များ

Ezekiel 18:7

I ka ta kalka ningin, ma, si algin mpiñal un kusa, i ta tornal el. I ka ta furta, ma i ta da kumida pa kilis ku tene fomi; i ta da ropa pa kilis ku sta nun.

Daniel 4:27

Asin, Ñu Rei, seta ña konsiju, bu disa bu pekadu, bu fasi kil ki diritu; bu disa ki kusas mau ku bu ta fasi, bu mostra bondadi pa koitadis. Talves bu pas ta kontinua.”

Mateus 25:40

Rei na ruspundi elis: ‘Na bardadi, N na konta bos, kada bias ku bo fasilba pa un de ña ermons mas pikininu, i ami propi ku bo fasil.’

Lukas 11:41

Bo pati kil ku bo tene pa pobris; asin tudu kusas ta sedu limpu pa bos.

Lukas 18:22

Oca ku Jesus obi es, i falal: “I faltau inda un kusa. Bindi tudu ku bu tene, bu da pobris diñeru, bu ta tene rikesa na seu. Dipus bu ta bin, bu sigin.”

Lukas 19:8

Zakeu lanta, i fala Siñor: “Jubi, Siñor, N na da pobris metadi di ña rikesa. Si kontra N ngana algin na kualker kusa, N sta pruntu pa tornal kuatru bias mas.”

Bon Noba di Jesus Kristu ku Jon 13:29

ma, suma ku Judas ta rakada diñeru, utrus pensaba kuma Jesus falal pa i kumpra kusa ki pirsis pa festival, o pa i bai da pobris kualker kusa.

Atus 10:2

I seduba omi riliẑiosu ku rispitaba Deus; el ku si familia tudu e ta adoraba Deus di judeus. I ta da ciu pa judeus pobri, i ta oraba Deus sempri.

Atus 10:31

Di repenti i parsi ña dianti un omi ku bisti ropa ku na lampra. I falan: ‘Kornéliu, Deus obi bu orason, i lembra di simolas ku bu ta da pobris.

Atus 10:4

I yabri uju pa anju ku medu, i puntal: “I ke, Siñor?” I ruspundi i falal: “Bu orason ku bu simola i subi dianti di Deus pa lembransa.

Efésius 4:28

Kil ku ta furtaba, pa i para furta, i pega ku si mon, i fasi bon tarbaju, pa i pudi tene kil ku ciga pa i rapati ku kil ku ka tene.

1 Timótiu 6:17

Manda kilis ku riku na kusas de mundu pa ka e sedu garandiosu, nin pa ka e pui speransa na un kusa ki ka sertu, suma rikesa, ma na Deus ku ta yabri si mon pa danu tudu kusa pa no goza.

1 Timótiu 6:18

Fala elis pa e fasi ben, pa e rikusi ku bon obra, pa e sta pruntu pa da, pa e rapati ku utrus.

Ebreus 6:10

Deus i ka injustu pa diskisi di bo tarbaju, ku amor ku bo mostra pa el, manera ku bo sirbi si pobu, suma ku bo na fasi te gosi.

Tiagu 1:27

Koldadi riliẑion ku ka ten kulpa nin manca dianti di Deus no Pape i es: pa bai juda orfans ku viuvas na se kansera, tambi pa libra di podrisa de mundu.

Tiagu 2:14

Ña ermons, ke ki bali pena si algin fala kuma i ten fe, ma i ka fasi nada pa mostral? Nta ki fe pudi salbal?

1 Jon 3:17

Kin ku sta ben ne mundu, i oja si ermon ku falta, i fica si korson pa el, kuma ki pudi fala kuma amor di Deus sta nel?

1 Jon 4:20

Si algin fala kuma i ama Deus, ma i nfastia si ermon, i munturus, pabia kil ku ka ama si ermon ki oja, kuma ki pudi ama Deus ki ka oja?