Lukas 23:56 - BIBLIA - traduson antigu in Krioulo

⁵⁶ E riba pa kasa pa purpara pomadas ku purfumus. Dia di sabadu e diskansa, suma ku lei manda.

Lukas 23:56 ပူးပေါင်းရင်းမြစ်များ

2 Kronikas 16:14

E ditandal na kama, ku inci ku kusas ku ta cera sabi ku jinti ku ta tarbaja na purfumus purpara. E nteral na prasa di Davi, na koba ki fasiba pa si kabesa; e sindi garandi fugu na si onra.

Saida 31:14

Asin, bo guarda dia di diskansu pabia i sagradu pa bos. Algin ku ka tratal suma dia sagradu, ma i tarbaja nel, i na matadu.

Markus 16:1

Oca dia di diskansu pasa, Maria Madalena, Salomé ku Maria, mame di Tiagu, e kumpra purfumu pa bai unta kurpu di Jesus.

Lukas 24:1

Na purmeru dia di semana, mandrugada, minjeris bai pa koba, e leba pomadas ke purparaba ja.

Ripitison di Lei 5:14

ma setimu dia i dia di diskansu pa SIÑOR bu Deus. Ka bu fasi nin un tarbaju, nin abo nin bu fiju macu o femia, nin bu katibu macu o femia, nin bu turu, nin bu buru, nin kualker di bu limarias, ku fadi bu ospri ku sta na bu kasa, pa bu katibus pudi diskansa tambi suma bo.