Lukas 22:19 - BIBLIA - traduson antigu in Krioulo

¹⁹ I toma pon, i fala Deus obrigadu, i kebral, i da elis, i fala: “Es i ña kurpu ku dadu pa bos. Bo fasi es pa ña lembransa.”

Lukas 22:19 ပူးပေါင်းရင်းမြစ်များ

Salmus 111:4

I ta pui kusas garandi ki fasi pa e lembradu. SIÑOR i bon, i ta sinti pena.

Kantiga di Salomon 1:4

Leban ku bo; no ta kuri juntu! Rei yentrandan na si kuartus. No ta kontenti ku bo, no ta fika alegri; no ta lembra di bu amor mas di ki biñu. Jinti ten roson di amau.

Ezekiel 37:11

Dipus i falan: “Fiju di omi, e os parsintidu suma tudu pobu di Israel. E na fala: ‘No os seku, no speransa pirdi; no kortadu.’

Ezekiel 5:5

“Asin ku SIÑOR Deus fala: Es i Jerusalen; N pul na metadi di nasons, ku teras ku sta na si roda.

Daniel 2:38

i ntrega na bu mon tudu jinti ku limarias ku kacus na kualker kau ke sta nel, i dau puder pa manda riba delis; abo i ki kabesa di uru.

Mateus 14:19

I manda jinti sinta na paja, i toma ki sinku pon ku dus pis, i yalsa uju pa seu, i fala Deus obrigadu, i kebra pon, i da si disipulus; kilas da jinti.

Mateus 15:36

I toma ki seti pon ku pis, i fala Deus obrigadu, i kebra elis, i ntrega si disipulus. Elis e ntrega jinti.

Lukas 22:17

I toma kopu, i fala Deus obrigadu, i fala elis: “Bo tomal, bo rapatil entri bos.

Lukas 22:20

Di mesmu manera, dipus di sia, i toma kopu, i fala: “E kopu i nobu kontratu seladu ku ña sangi ku darmadu pa bos.

Lukas 24:30

Oca ki sta ku elis na mesa, i toma pon, i fala Deus obrigadu, i kebral, i rapati ku elis.

Bon Noba di Jesus Kristu ku Jon 6:23

Utru barkus bin ciga di Tiberíadis, e fundia pertu di ki kau nunde ke kume pon dipus ku Siñor falaba Deus obrigadu.

Bon Noba di Jesus Kristu ku Jon 6:51

Ami i ki pon bibu ku ria na seu; si algin kume de pon li, i ta vivi pa sempri. Pon ku N na da bos i ña karni ku N na da pa jinti di mundu pudi tene vida.”

1 Koríntius 10:16

Kopu ku no usa na Sia di Siñor, ku no ta fala Deus obrigadu pa el, si no bibi nel no na toma parti di sangi di Kristu. Pon tambi ku no ta kebra, si no kumel no na toma parti di kurpu di Kristu.

1 Koríntius 10:4

E bibi tambi un mesmu bibida ku bin di Deus, pabia e bibi di pedra spiritual ku na kumpaña elis. Ki pedra i Kristu.

Gálatas 1:4

Pa libertanu de tempu mau ku no sta nel, Kristu da si vida pa no pekadu, suma ku Deus no Pape mistiba,

Gálatas 4:25

Sinai i un monti na Arabia ku parsintidu ku Jerusalen di gosi, pabia el ku si jinti e sta na katiberasku,

Efésius 5:2

Bo yanda ku amor, suma ku Kristu tambi amanu, i da si vida pa nos, suma oferta ku sakrifikadu, ku ta da bon ceru ku Deus ta kontenti ku el.

1 Tesalonisensis 5:18

Bo fala obrigadu na tudu kusa, pabia asin ku Deus misti pa bo fasi na bo vida na Kristu Jesus.

Titu 2:14

El i da si vida pa libertanu di tudu maldadi, pa fasinu un pobu puru ku pertensil, ku ten vontadi pa fasi bon tarbaju.

1 Pedru 2:24

El propi i leba no pekadu na si kurpu na krus, pa no pudi sta suma mortu na ladu di pekadu, no yanda diritu suma ku Deus misti. Bo kuradu pabia di si molostus.