Lukas 21:17 - BIBLIA - traduson antigu in Krioulo

¹⁷ Tudu jinti na nfastia bos pabia di ña nomi,

Lukas 21:17 ပူးပေါင်းရင်းမြစ်များ

Mateus 10:22

Tudu jinti na nfastia bos pabia di ña nomi, ma kil ku fika firmi te na fin i na salba.

Mateus 24:9

“Bo na ntregadu pa kastigu; e na mata bos. Tudu jinti na odia bos pabia di ña nomi.

Mateus 5:11

“Abos i sortiadu ora ke na koba bos mal, e na pirsigi bos, e na konta mintida kontra bos pabia di mi.

Markus 13:13

Tudu jinti na nfastia bos pabia di mi, ma kil ku fika fiel te na fin i na sedu salbu.”

Lukas 21:16

Te bo papes, bo ermons, bo parentis ku amigus e na falsia bos. Utru di bos na matadu.

Lukas 21:18

ma nin un fiu di kabelu di bo kabesa ka na pirdi.

Lukas 6:22

“Abos i sortiadu ora ku jinti nfastia bos pabia di Fiju di omi, e serka bos na se metadi, e koba bos, e nega bos, e fala kuma bo mau.

Bon Noba di Jesus Kristu ku Jon 15:19

Si bo seduba di mundu, mundu ta ama kil ki di sil, ma suma abos i ka di mundu, ma ami N kuji bos na mundu, e ku manda jinti di mundu ta nfastia bos.

Bon Noba di Jesus Kristu ku Jon 15:21

E na fasi bos tudu e kusas pabia di mi, suma e ka kunsi kil ku mandan.

Bon Noba di Jesus Kristu ku Jon 17:14

N da elis bu palabra; jinti di mundu nfastia elis pabia elis i ka di mundu, suma ku ami i ka di mundu.

Bon Noba di Jesus Kristu ku Jon 7:7

Jinti di mundu ka pudi nfastia bos, ma ami e ta nfastian, pabia N ta konta elis sempri kuma e ta fasi mal.

Atus 9:16

Ami propi N na mostral kantu kusas ki ten ku sufri pabia di ña nomi.”

2 Koríntius 12:10

N ta sinti alegria na ña frakesa, na njuria, na falta, na pirsigison, na kasabi, tudu pa amor di Kristu. Ora ku N sta fraku, la ku N ta sedu mas forti.

2 Koríntius 4:11

Nkuantu no tene vida, no sta sempri ntregadu pa muri pa amor di Jesus, pa si vida tambi pudi ojadu na no kurpu ku ta muri.

2 Koríntius 4:5

No ka ta konta aserka di no kabesa, ma di Kristu Jesus suma Siñor; anos suma bo servus pa amor di Jesus.

Filipensis 1:29

pabia bo dadu fabur, i ka son pa fia na Kristu, ma tambi pa sufri pa el.

1 Pedru 4:14

Si i pabia di nomi di Kristu ku bo kobadu, abos i sortiadu, pabia Spiritu di gloria, ku sedu Spiritu di Deus, sta riba di bos.

Apokalipsi 2:3

Bu sufri pabia di ña nomi, bu kontinua firmi, bu ka fraksi.