Lukas 21:15 - BIBLIA - traduson antigu in Krioulo

¹⁵ pabia N na da bos palabra ku jiresa ku nin un di bo inimigus ka na pudi firma ku bos, nin i ka na pudi bati bos na palabra.

Lukas 21:15 ပူးပေါင်းရင်းမြစ်များ

Ditus 2:6

pabia SIÑOR i ta da jiresa; di si boka i ta bin kuñisimentu ku ntindimentu.

Jeremias 1:9

Dipus SIÑOR distindi mon, i tokan na boka, i falan: “Jubi, N na pui ña palabras na bu boka.

Ezekiel 29:21

“Na ki tempu N na buri pobu di Israel forsa. Tambi N na yabriu boka pa bu papia na se metadi. E na sibi kuma ami N sedu SIÑOR.”

Lukas 12:12

pabia Spiritu Santu na nsina bos na ki ora ke ku bo dibi di fala.”

Lukas 21:16

Te bo papes, bo ermons, bo parentis ku amigus e na falsia bos. Utru di bos na matadu.

Lukas 24:45

Dipus i yabri elis kabesa pa e ntindi Skritura.

Atus 2:4

Na ki ora elis tudu e fika incidu ku Spiritu Santu; e kumsa na fala na utru linguas, suma ku Spiritu da elis puder di fala.

Atus 24:25

Oca i kumsa na fala kusa di yanda diritu, ku guberna no vontadi, ku juisu ku na bin, Féliŝ fika ku medu, i falal: “Gosi i justa; bu pudi bai. Ora ku N ten tempu N ta torna comau.”

Atus 26:28

Agripa fala Paulu: “Mas un bokadu bu ta bidantan Kriston!”

Atus 6:10

Spiritu da Stevon garandi jiresa ke ka pudi nguenta pa diskuti ku el.

Efésius 6:19

Bo ora tambi pa mi, pa Deus pudi dan palabra sertu ora ku N na yabri boka pa papia; pa N pudi fala ku koraẑen, pa fasi jinti kunsi sigridu di Bon Noba.

Tiagu 1:5

Si un di bos ka sibi ke ki dibi di fasi, pa i pidi Deus jiresa; i ta dadu. Deus ta da tudu jinti ku vontadi; i ka ta nfastia.