Lukas 21:10 - BIBLIA - traduson antigu in Krioulo

¹⁰ Dipus i fala elis: “Nason na lanta kontra utru nason, renu kontra utru renu.

Lukas 21:10 ပူးပေါင်းရင်းမြစ်များ

Isaias 19:2

“N na cuci ejipsius pa e lanta kontra ŋutru; kada un na geria kontra si ermon. Visiñu na lanta kontra visiñu, prasa kontra prasa, renu kontra renu.

Zakarias 14:13

Na ki dia SIÑOR na manda garandi kunfuson na se metadi; kada kin na pega mon di si kumpañer; dipus e na lanta e ataka ŋutru.

Markus 13:8

Nason ten ku lanta kontra nason, renu kontra renu. Con na tirmi na manga di parti; fomi na ten. E kusas na parsi suma purmeru dur di partu.

Lukas 21:11

Na manga di lugar con na tirmi ku forsa, fomi na ten, duensa na laga. I na ten tambi kusas meduñu ku na bin ojadu, ku garandi sinalis na seu.

Lukas 21:9

Ora ku bo obi kuma gera ten, jinti na lanta kontra gubernus, ka bo medi. E kusas ten ku kontisi purmeru, ma i ka kuma fin ciga ja.”

Atus 11:28

Un delis, ku comadu Ágabu, i lanta, i konta na puder di Spiritu kuma, i na bin ten garandi fomi na tudu mundu. (E fomi bin na tempu di rei garandi Klaudiu.)

Ebreus 12:27

Agora e palabra “mas un bias” mostra kuma kusas ku ta bulbuli, ku sedu kusas ku kumpudu, e na mundantadu, pa kilis ku ka ta bulbuli pudi fika.