Lukas 2:4 - BIBLIA - traduson antigu in Krioulo

⁴ José tambi i sai di tabanka di Nazaré, na tera di Galileia; i bai pa tera di Judeia, pa tabanka comadu Belen, nunde ku Davi padidu nel, manera ku José seduba di jorson di Davi.

Lukas 2:4 ပူးပေါင်းရင်းမြစ်များ

Kumsada 35:19

Asin Rakel muri, i nteradu na kamiñu di Efrata, ku sedu Belen.

Kumsada 48:7

Oca ku N na binba di Padan, Rakel muri na kamiñu, na tera di Kanaan, kontra i na sobraba inda un bokadiñu pa no ciga Efrata. N nteral la na kamiñu di Efrata ku sedu Belen.

Mikeias 5:2

SIÑOR fala: “Abo, Belen Efrata, nin ku bu sedu pikininu na metadi di milyaris di Judá, na bo ki na bin sai pa mi kil ku na sedu ŝef na Israel, ku si kumsada sedu disna di tempus mas antigu ku pasa.”

Mateus 1:20

Manera ki na pensaba ne kusa, un anju di Siñor parsil na suñu, i falal: “José, fiju di Davi, ka bu ten medu di kasa ku Maria, pabia kil ku sta na si bariga i puder di Spiritu Santu.

Mateus 2:23

Oca ki ciga, i bai mora na un prasa ku comadu Nazaré. De manera i bin sedu suma ku anunsiaduris falaba ja: “I na comadu Nazarenu.”

Lukas 2:3

Kada un bai marka si kabesa na si tabanka propi.

Lukas 2:5

I bai pa marka si kabesa, ku si minjer Maria ku staba ku bariga.

Lukas 4:16

Oca ki ciga na Nazaré nunde ki kriadu nel, i yentra na kasa di juntamentu na dia di diskansu suma ki kustuma ta fasi, i lanta pa lei.

Bon Noba di Jesus Kristu ku Jon 1:46

Natanael punta Filip: “Un kusa bon pudi sai di Nazaré?” Filip ruspundil: “Bin, bu ta jubi.”

Bon Noba di Jesus Kristu ku Jon 7:42

Skritura ka fala kuma Mesias na padidu na jorson di Davi, na Belen, tabanka ku Davi moraba nel?”

Ruti 1:19

Asin e bai juntu tok e ciga na Belen. Oca ke na yentra la, tudu jinti di prasa fika dimiradu pabia delis. Minjeris fika e na punta: “Nta es i ka Noemi?”

Ruti 2:4

Boaz ciga di Belen, i fala kebraduris: “SIÑOR ta sta ku bos.” E ruspundil: “SIÑOR ta bensuau.”

Ruti 4:11

Ki garandis ku tudu pobu ku staba na porton e fala: “No sedu tustumuñas. SIÑOR na fasi ki minjer, ku na yentra na bu kasa, suma Rakel ku Leia, ki dus ku forma jorson di Israel. No dija pa bu sedu riku na Efrata, pa bu sedu algin famosu na Belen,

Ruti 4:17

Minjeris visiñu fala: “Noemi tene un fiju.” E dal nomi di Obed. I el ku sedu pape di Jesé, pape di Davi.

1 Samuel 16:1

SIÑOR punta Samuel: “Te kal tempu ku bu na sinti dur di Saul suma ku N negal pa ka i rena riba di Israel? Inci bu cifri azeiti, bu pega kamiñu. N na mandau pa Jesé di Belen, pabia N kuji un di si fijus pa i sedu rei.”

1 Samuel 16:4

Samuel fasi kil ku SIÑOR falal; i bai pa Belen. Garandis di prasa sai pa bai dal kontrada, e na tirmi, e puntal: “Bu visita i di pas?”

1 Samuel 17:12

Davi seduba fiju di un omi efrateu comadu Jesé, di Belen di Judá, ku teneba oitu fiju. Na tempu di Saul i seduba ja un omi beju, di idadi avansadu.

1 Samuel 17:58

Saul puntal: “Rapas, abo i fiju di kin?” Davi falal: “Ami i fiju di bu servu Jesé di Belen.”

1 Samuel 20:6

Si bu pape nota pa ña falta, bu ta falal kuma N pidiu lisensa pa N janti pa Belen, ña prasa, pabia i na fasidu la ki sakrifisiu di kada anu pa tudu ña familia.