Lukas 18:12 - BIBLIA - traduson antigu in Krioulo

¹² N ta junjuŋa dus bias na semana; N ta dau desimu parti di tudu ku N ta risibi.’

Lukas 18:12 ပူးပေါင်းရင်းမြစ်များ

2 Reis 10:16

i falal: “Bin ku mi pa bu oja kuma ku N pui tudu ña sintidu na SIÑOR.” Asin e bai juntu na karu.

Isaias 1:15

Ora ku bo distindi mon pa mi, N ta sukundi ña rostu di bos. Nin ku bo ora ciu, N ka na obi, pabia bo mon susu sangi.

Malakias 3:8

“Nta un omi dibi di furta kusa di Deus? Ma abos, bo ta furta di mi. Dipus bo ta punta: ‘Na kal manera ku no ta furta di bo?’ “Na dizimus ku ofertas.

Numerus 18:24

ma N da levitas tudu dizimus ku fijus di Israel tisi pa SIÑOR suma oferta. E ku manda N fala kuma, e ka na yarda nada na metadi di fijus di Israel.”

Numerus 23:4

Oca Deus kontra ku el, Balaon falal: “N ranja seti altar, N sakrifika un turu ku un karnel riba di kada un.”

Mateus 5:20

N na konta bos, di nin un manera bo ka na yentra na renu di seu si bo ka yanda diritu mas di ki fariseus ku pursoris di lei.

Mateus 6:1

“Bo libra di fasi bon kusas dianti di jinti pa e oja bos. Si bo fasi asin, bo Pape ku sta na seu ka na paga bos.

Mateus 6:16

“Ora ku bo junjuŋa, ka bo mostra tristesa na bo rostu suma finjiduris, pabia e ta mostra tristesa na se rostu pa jinti pudi sibi kuma e na junjuŋa. Na bardadi N na konta bos kuma e risibi ja se pagamentu.

Mateus 6:5

“Tambi, ora ku bu na ora, ka bu sedu suma finjiduris, pabia e ta misti ora firmadu na kasas di juntamentu, tambi na skina di ruas, pa jinti pudi oja elis. Na bardadi N na konta bos kuma e risibi ja se pagamentu.

Mateus 9:14

Disipulus di Jon Batista bai pa Jesus, e puntal: “Pabia di ke ku anos ku fariseus no ta junjuŋa manga di bias, ma bu disipulus ka ta junjuŋa?”

Lukas 11:42

“Koitadi di bos fariseus! Bo ta da Deus desimu parti di ortalon, ku bagic, ku tudu ortalisa, ma bo ka ta mporta ku amor di Deus nin pa fasi kusa justu. I es ku bo dibi di fasi, ma ka bo disa ki utru tambi.

Lukas 17:10

Asin tambi abos, ora ku bo fasi tudu ku bo mandadu, bo ta fala: ‘No sedu servus ku ka mersi ngabadu, pabia no fasi son kil ku no dibi di fasi.’ ”

Romanus 3:27

Nunde ku njata sta nel gora? I ka ten! Pa kal roson? Pabia di kumpri lei? Nau, ma i pabia di fe.

1 Koríntius 1:29

pa ka nin un algin njata dianti di Deus.

Gálatas 1:14

Na ña rasa N mas ba manga di ña manjuas na sigi riliẑion di judeu. N forti ba dimas na fasi usu di ña papes antigu.

Efésius 2:9

I ka rusultadu di bo propi sforsu, pa ka ningin ten manera di njata.

1 Timótiu 4:8

Trenamentu di kurpu i ten sertu purbitu, ma trenamentu spiritual i ten purbitu pa tudu, pabia i ten purmesa pa e vida li, ku vida ku na bin.

1 Samuel 15:13

Samuel bai ojal. Saul falal: “SIÑOR ta bensuau! N kumpri ordi di SIÑOR.”