Lukas 18:11 - BIBLIA - traduson antigu in Krioulo

¹¹ Fariseu firma na un kau, i na oraba ku si kabesa de manera: ‘O Deus, N ta falau obrigadu, pabia N ka sedu suma utru jinti, ku ta furta, ku ta fasi mal, ku ta kiri minjeris di jinti; nin N ka sedu suma e kobradur di mpustu.

Lukas 18:11 ပူးပေါင်းရင်းမြစ်များ

Salmus 134:1

Bo bin, bo fala ben di SIÑOR, abos tudu, si servus, ku ta sirbi kada noti na kasa di SIÑOR.

Salmus 135:2

ku ta sirbi na kasa di SIÑOR, na kintal di kasa di no Deus.

Ditus 20:6

Kada kin na papia aserka di si bondadi, ma omi fiel, kin ku pudi ojal?

Ditus 30:12

I ten jinti ku pensa kuma e sedu puru, ma nunka e ka labadu se susidadi.

Isaias 1:15

Ora ku bo distindi mon pa mi, N ta sukundi ña rostu di bos. Nin ku bo ora ciu, N ka na obi, pabia bo mon susu sangi.

Isaias 58:2

E ta buskan kada dia, e fala kuma e ten vontadi pa kunsi ña kamiñu, suma ke seduba un pobu ku ta yanda na retidon, e ka ta bandona mandamentu di se Deus. E ta pidin leis justu, e ta fala kuma e misti pertu Deus.

Isaias 65:5

E ta fala: ‘Fika la; ka bu ciga nunde mi, pabia N sedu mas sagradu di ki bo!’ Jinti suma es e sedu na ña naris suma fumu di fugu ku ta yardi tudu dia.

Jeremias 2:28

Nta nunde bu deusis ku bu kumpu pa bo? I elis ku dibi di lanta si e pudi judau na tempu di bu foronta. O Judá, bu deusis e ciu suma bu prasas.”

Jeremias 2:35

bu na fala: ‘N ka ten kulpa; sertamenti si raiba disvia ja di mi.’ Ma N na julgau pabia bu fala kuma bu ka peka.

Ezekiel 33:31

Elis e ta bin pa bo suma ku jinti ta kustuma bin, e sinta bu dianti suma ña pobu; e ta obi bu palabra, ma e ka ta pul na pratika. E ta papia kusas sabi, ma se korson na buska son lukru.

Mikeias 3:11

Se ŝefis ta julga pa suku di bas; se saserdotis ta nsina pa pagamentu; se anunsiaduris ta diviña pa diñeru; ma e ta ngosta na SIÑOR, e fala: “SIÑOR sta na no metadi; nin un mal ka na bin riba di nos.”

Mateus 10:3

Filip ku Bartolomeu; Tome ku Mateus, kobradur di mpustu; Tiagu, fiju di Alfeu, ku Tadeu;

Mateus 5:20

N na konta bos, di nin un manera bo ka na yentra na renu di seu si bo ka yanda diritu mas di ki fariseus ku pursoris di lei.

Mateus 6:5

“Tambi, ora ku bu na ora, ka bu sedu suma finjiduris, pabia e ta misti ora firmadu na kasas di juntamentu, tambi na skina di ruas, pa jinti pudi oja elis. Na bardadi N na konta bos kuma e risibi ja se pagamentu.

Markus 11:25

Ora ku bo na ora, si bo tene kualker kusa kontra algin, bo purdal, pa bo Pape ku sta na seu purda bos tambi kusas mau ku bo fasi. [

Lukas 20:47

E ta splora kasas di viuvas nkuantu e na fasi orason kumpridu di finjimentu. E na risibi kastigu mas garandi.”

Lukas 22:41

I lunjusi delis distansia di un tiru di pedra, i finka juju, i ora,

Gálatas 3:10

Kilis ku pui se fiansa na obdisi lei e sta bas di maldison, pabia Skritura fala kuma: “Tudu kil ku ka ta kontinua fasi tudu kusa ku sta skritu na libru di lei i maldisuadu.”

Filipensis 3:6

N sigi lei ku tudu mpeñu tok N pirsigi igreẑa. Si algin pudi sedu justu na lei, N ka tenba kulpa la,

Apokalipsi 3:17

Bu fala bu sedu riku, bu tene tudu, nada ka faltau; bu ka sibi kuma abo i un koitadi, disgrasadu, pobri, segu i nun.