Lukas 18:1 - BIBLIA - traduson antigu in Krioulo

¹ Dipus, Jesus da elis un komparason pa mostra elis kuma e dibi di ora sempri, sin disanima.

Lukas 18:1 ပူးပေါင်းရင်းမြစ်များ

Salmus 102:17

I na ruspundi orason di kil ku bandonadu, i ka na njuti si rogu.

Salmus 27:13

N fia kuma N na oja bondadi di SIÑOR na tera di jinti bibu.

Salmus 65:2

Abo ku ta obi orason, tudu jinti na bin pa bo.

Salmus 86:3

Ten pena di mi, o SIÑOR, pabia N ta comau tudu ora.

Isaias 40:31

ma kilis ku na pera na SIÑOR e na arnoba se forsa. E na subi ku asas suma agia, e na kuri sin kansa, e na yanda sin pirdi forsa.

Isaias 62:7

Ka bo da SIÑOR tempu pa i diskansa tok i firmanta Jerusalen, i fasil prasa ku tudu mundu na ngaba.

Jeremias 29:12

Dipus bo na coman, bo na ba ta papia ku mi; N ta obi bos.

Jonas 2:7

Oca N sinti kuma N na pirdi ña vida, N lembra di SIÑOR; ña orason ciga nunde bo na bu templu sagradu.

Lukas 11:10

Tudu kil ku pidi i ta risibi; kin ku buska i ta oja; kil ku bati porta, i ta yabridu el.

Lukas 21:36

Bo bisia, bo ora sempri, pa bo pudi kapli tudu e kusas ku na bin kontisi, pa bo firma dianti di Fiju di omi.”

Romanus 12:12

Bo kontenti na speransa ku bo ten, bo ten pasensa na foronta, bo pega tesu na orason.

2 Koríntius 4:1

Deus, na si miserikordia, i danu e tarbaju pa no fasi; asin no ka na fika disanimadu.

Gálatas 6:9

Ka no kansa fasi ben. Ora ki ciga ora, no ta kebra si frutu, si no ka menusa forsa.

Efésius 6:18

Bo pui bo sintidu na orason ku pididu; bo ora tudu tempu na puder di Spiritu. Pa mesmu fin bo bisia, bo ora sin para, bo pidi sempri pa tudu pobu di Deus.

Filipensis 4:6

Ka bo fadiga ku nada, ma na tudu bo orason bo pidi Deus pa kil ku bo pirsisa del; bo pidil ku korson di gardisimentu.

Kolosensis 4:12

Manteña di Epafras, utru membru di bo grupu, ki servu di Kristu, ku sempri i ta luta pa bos na orason, pa bo pudi fika firmi, bo sedu maduru na fe, bo fasi sempri tudu ku Deus misti.

Kolosensis 4:2

Bo pega tesu na orason; bo yabri sintidu nel pa bisia; bo fala Deus obrigadu.

1 Tesalonisensis 5:17

Bo ora sempri.

1 Samuel 1:12

Oca ki kontinua na ora dianti di SIÑOR, Eli nota pa si boka,