Lukas 15:22 - BIBLIA - traduson antigu in Krioulo

²² Pape fala si kriadus: ‘Bo tisi dipresa ki ropa mas minjor, bo bistil el; bo pul anel na dedu, bo kalsal sapatu.

Lukas 15:22 ပူးပေါင်းရင်းမြစ်များ

Kumsada 41:42

Faraó tira anel di si mon, i pul na mon di José. I bistil ropa di liñu finu, i pul un fiu di uru na si garganti.

Ester 3:10

Asin rei tira anel di karimbu na si dedu, i da Aman, fiju di Amedata, di jorson di Agag, inimigu di judeus,

Ester 8:2

Rei tira si anel di karimbu ki tomaba na mon di Aman, i da Mardokeu el. Ester pui Mardokeu riba di tudu kusa ku pertensiba Aman.

Salmus 132:16

N na bisti si saserdotis ku salbason; si pobu fiel na kanta ku kontentamentu.

Salmus 132:9

Bu saserdotis pa e kubri ku retidon; bu pobu pa e kanta ku kontentamentu!

Salmus 18:33

I ta fasi ña pe suma di gazela; i ta firmantan na kau altu.

Salmus 45:13

Fiju femia di rei sta na si palasiu; jubi kuma ki bonitu! Si bistidu tisidu ku liña di uru.

Kantiga di Salomon 7:1

O fiju di rei, bu pe bonitu na sapatu! Bu pernas formadu suma joias ku mon di artista forma.

Isaias 61:10

N na kontenti dimas na SIÑOR; ña korson sta alegri na ña Deus, pabia i bistin ku ropa di salbason, i kubrin ku manta di retidon, suma noivu ku ta faja kabesa suma saserdoti, o suma noiva ku ta faja ku si pedras di balur.

Lukas 15:21

Fiju falal: ‘Papa, N peka kontra Deus, kontra bo tambi. Gosi N ka mersi pa bu coman bu fiju.’

Lukas 15:23

Bo tisi ki fiju di baka mas gurdu, bo matal, pa no kume, no kontenti,

Romanus 13:14

ma bo kubri ku armadura di Siñor Jesus Kristu. Ka bo alimenta mau diseẑu di bo naturesa.

Romanus 3:22

Deus ta fasi jinti ku fia na Jesus Kristu pa e sedu justu. El i ka ta fasi skuju; i pa tudu kil ku ten fe.

Romanus 8:15

Spiritu ku bo risibi i ka ta fasi bos katibu pa bo pudi torna ten medu, ma bo risibi Spiritu ku fasi bos fijus, ku ta pui pa no coma Deus, no falal: “Deus no Pape.”

Gálatas 3:27

Bo batisadu tudu na unidadi ku Kristu; bo bisti si vida suma ropa.

Efésius 6:15

Bo pruntia pa konta Bon Noba di pas — es i ta sedu bo sapatu.

Ripitison di Lei 33:25

Bu portons na tene trinkus di feru ku bronzi; bu forsa na ciga pa bu dias.

Apokalipsi 19:8

I dadu bistidu di liñu finu, puru, ku na lampra.” (Liñu finu ta mostra bon kusas ku pobu di Deus fasi.)

Apokalipsi 2:17

“‘Kin ku tene oreja, pa i obi ke ku Spiritu na fala igreẑas. Kil ku vensi, N na dal utru maná sukundidu. N na dal tambi pedra branku ku skirbidu nobu nomi ku ningin ka kunsi, son kil ku risibil.’

Apokalipsi 3:18

N konsijau pa bu kumpra na ña mon uru rifinadu na fugu, pa bu sedu riku na bardadi; ku ropa branku pa bu bisti, pa ka borgoña di bu disnun ojadu; bu kumpra tambi pomada pa pui na uju, pa bu pudi oja.

Apokalipsi 6:11

Kada un delis dadu kamisoti branku kumpridu; e faladu pa e diskansa inda un bokadu, tok i kompleta numeru di se ermons na tarbaju di Kristu, kilis inda ku ten ku matadu tambi suma elis.

Apokalipsi 7:9

Dipus de kusas N jubi, N oja un garandi multidon di jinti ku ningin ka pudi konta, di tudu nason, tudu rasa, tudu pobu ku tudu lingua, ku staba sikidu dianti di tronu na pursensa di Karnel. E bisti ropa kumpridu branku, e pega ramu di palmera na mon.