Lukas 15:16 - BIBLIA - traduson antigu in Krioulo

¹⁶ I mistiba inci bariga ku figu brabu ku purku na kumeba, ma ningin ka ta dalba nada.

Lukas 15:16 ပူးပေါင်းရင်းမြစ်များ

Jo 30:4

E ta rinka plantas di lala, e ta kume rais di zimbru.

Salmus 142:4

N jubi na ña direita, N oja kuma i ka ten kin ku kunsin, nin kau di suguransa; ningin ka bin toma konta di mi.

Salmus 73:22

N ka tenba juisu; N ka sibiba nada; N seduba suma limaria bu dianti.

Isaias 44:20

I suma i na kume sinsa; si korson di nganu disviantal tok i ka pudi libra si kabesa, nin pa punta: “Nta e kusa na ña mon direita i ka mintida?”

Isaias 55:2

Pabia di ke ku bo na gasta diñeru na kil ku ka sedu kumida? O ke ku manda bo na gasta bo vensimentu na kusa ku ka pudi fartanda bos? Bo sukutan diritu, bo kume kil ki bon; asin bo ta kontenti ku kumida riku.

Isaias 57:3

Bo ciga li, abos fijus di futserus, ku kilis di mau vida ku ta kai cai!

Miskiñu di Jeremias 4:5

Kilis ku ta kumeba bon kumida e na dismaja na ruas. Kilis ku kriadu ku ropa di balur e na buska kumida na muntudu.

Oseias 12:1

Efrain ta buri danu ku mintida; i fasi kontratu ku Asiria, i ta leba azeiti pa Ejitu. I suma i ta kume bentu; tudu dia i ta yanda tras di bentu di lesti.

Mateus 7:6

“Ka bo da kusa sagradu pa kacur! Nin ka bo pui bo pérolas dianti di purkus. Talves e ta masal, e rabida e ataka bos.

Lukas 15:15

I bai buska tarbaju na mon di un omi di ki tera. Kila mandal na si ponta pa i bai bakia purku.

Lukas 15:17

“I kumsa na kuda; sintidu rabida ku el, i fala: ‘Kantu tarbajaduris di ña pape ku tene kusa di kume tok i pasa; ami li N na muri ku fomi!