Lukas 15:15 - BIBLIA - traduson antigu in Krioulo

¹⁵ I bai buska tarbaju na mon di un omi di ki tera. Kila mandal na si ponta pa i bai bakia purku.

Lukas 15:15 ပူးပေါင်းရင်းမြစ်များ

2 Kronikas 28:22

Na si tempu di foronta, rei Akaz peka inda mas kontra SIÑOR.

Saida 10:3

Asin Moisés ku Aron bai pa Faraó e falal: “Asin ku SIÑOR, Deus di ebreus, na puntau: ‘Ate kal dia ku bu na nega baŝa bu kabesa ña dianti? Larga ña pobu pa e bai fasin sakrifisiu.

Isaias 1:5

Ke ku manda bo kontinua disobdienti, pa bo sta sempri kastigadu? Abo Judá, bu kabesa tene cagas, bu korson sta duenti.

Isaias 57:17

N tenba raiba pabia di pekadu di se korsonudu; e ku manda N kastiga elis, N ka da elis rostu pabia di ña raiba, ma e kontinua risu kabesa na kamiñu ke misti.

Jeremias 5:3

O SIÑOR, i ka bardadi ku bu uju na buska? Bu suta elis ma e ka sinti dur. Bu masa elis ma e ka misti kuriẑidu. E pui se korson duru mas di ki pedra, e nega ripindi.

Ezekiel 16:52

Bu ten ku sufri ki borgoña ku bu pensa kuma bu irmas mersi. Manera ku bu pekadu i mas nujenti di ki di selis, e parsi mas justu di ki bo. Asin, sufri bu borgoña, bu baŝa, pabia bu pui bu irmas pa e parsi justu.

Ezekiel 16:63

N na purdau tudu kusas mau ku bu fasi, ma bu na lembra delis, bu na sinti borgoña tok bu ka na yabri boka mas. Asin ku SIÑOR Deus fala.’ ”

Naun 3:6

N na bota kusas nujenti riba di bo; N na pou na borgoña, N fasiu suma spetakulu.

Malakias 2:9

“Pabia di kila, ami tambi N pui pa bo njutidu, bo baŝadu dianti di pobu, pabia bo ka pega na ña kamiñus ma, na bo nsinamentu, bo ta fasi skuju di jinti.”

Mateus 7:6

“Ka bo da kusa sagradu pa kacur! Nin ka bo pui bo pérolas dianti di purkus. Talves e ta masal, e rabida e ataka bos.

Lukas 15:13

“I pasa puku dias, ki fiju mas nobu i bindi tudu ki tene, i junta diñeru, i bai pa un tera lunju. La i kumsa na dana si diñeru na parodia.

Lukas 15:14

Oca ki kaba gastal tudu, i bin ten garandi fomi na ki tera. I kumsa na sinti falta.

Lukas 15:16

I mistiba inci bariga ku figu brabu ku purku na kumeba, ma ningin ka ta dalba nada.

Romanus 6:22

Ma gosi, bo sta libri di pekadu, bo fasidu katibus di Deus. Frutu ku bo tene gosi na leba bos pa puresa, dipus pa vida ku ka ta kaba.

Titu 3:3

Purmeru, asin ku no seduba: tulu, disobdienti, eradu, katibus pa tudu koldadi diseẑu mau, ku gozu di mundu. No ta yandaba na malisia ku nveẑa; no odiaduba, no ta odia utru jinti tambi,