Lukas 15:13 - BIBLIA - traduson antigu in Krioulo

¹³ “I pasa puku dias, ki fiju mas nobu i bindi tudu ki tene, i junta diñeru, i bai pa un tera lunju. La i kumsa na dana si diñeru na parodia.

Lukas 15:13 ပူးပေါင်းရင်းမြစ်များ

Salmus 73:27

Kilis ku lunjusi di bo e na pirdi; bu ta kaba ku tudu kilis ku ka sedu fiel, ku disvia di bo.

Ditus 18:9

Kin ku ka ta fasi si tarbaju diritu i ermon di danadur.

Ditus 21:17

Kil ku ama kusas di mundu i na bida koitadi; kil ku gosta di biñu ku azeiti nunka i ka na riku.

Ditus 21:20

Azeiti ku kumida sabi e sta na armazen di jiru, ma omi tulu ta kume tudu ki tene.

Ditus 27:8

Omi ku ta yanda-yanda lunju di si kasa i suma kacu ku ta bua lunju di si niñu.

Ditus 28:7

Kil ku obdisi lei i fiju ntindidu, ma kumpañer di jinti ku ta yanda sin kontrolu i ta tisi borgoña pa si pape.

Ditus 29:3

Omi ku ama jiresa i ta kontenta si pape, ma kumpañer di minjeris di mau vida i ta gasta si rikesa na nada.

Ditus 6:26

Minjer ku ta bindi si kurpu, bu pudi kumpral ku un bokadu di kumida, ma si un minjer kasadu dita ku bo, i pudi kustau bu vida.

Isaias 1:4

Ai di nason ku ta fasi pekadu, pobu ku karga pekadu, rasa malvadu, fijus ku ntregadu pa kurupson; e nega SIÑOR, e papia mal kontra Deus santu di Israel, e dal kosta.

Isaias 22:13

Ma ke ki na oja? Bo na ri, bo kontenti, bo mata bakas ku karnel, bo kume karni, bo bibi biñu, bo fala: “No kume, no bibi, pabia amaña no na muri.”

Isaias 30:11

Bo sai na kamiñu, ka bo tajanu; bo para pui Deus Santu di Israel pa i sta no dianti.”

Isaias 56:12

E ta fala: “Bo bin, N na tisi biñu; no na bibi bibida forti tok no nfastia! Dia di amaña na sedu suma di aos, o i na mas.”

Jeremias 2:13

“Ña pobu fasi dus tipu di pekadu. Purmeru kusa: e bandonan, ami ku sedu uju di fonti di yagu bibu. Sugundu: e ranja se propi kau di guarda yagu, ma kila raca, yagu ta sai tudu.

Jeremias 2:31

“O Israel, bo pensa diritu na palabra di SIÑOR. Nta ami N sedu pa Israel suma lala, o suma un con sukuru dimas? Ke ku manda ña pobu na fala: ‘No sta libri di bo; nunka mas no ka na bin pa bo’?

Jeremias 2:5

Asin ku SIÑOR punta: “Kal mal ku bo papes oja na mi ku manda e disvia di mi? E bai tras di idulus ku ka ten balur; elis propi e bin ka ten balur.

Mikeias 6:3

“O ña pobu! Ke ku N fasiu? Na kal manera ku N fadigau? Ruspundin.

Lukas 15:12

Ki mas nobu fala si pape: ‘Papa, dan ña parti di yardansa.’ I rapati elis dus tudu ki tene.

Lukas 15:14

Oca ki kaba gastal tudu, i bin ten garandi fomi na ki tera. I kumsa na sinti falta.

Lukas 15:30

Es bu fiju bin, ku dana tudu bu diñeru ku minjeris di mau vida; bu matal ki fiju di baka mas gurdu!’

Lukas 16:1

Jesus fala tambi si disipulus: “I tenba un omi riku ku tene nkargadu, ke bin kontal kuma i na gastal si kusas.

Lukas 16:19

“I tenba un omi riku ku ta bisti ropa finu, karu; i ta kume sabi, i ta ronka ben.

Efésius 2:13

ma gosi, na union ku Kristu Jesus, abos ku staba lunju bo tisidu pertu pabia di sangi ku Kristu darma.

Efésius 2:17

Asin Kristu bin, i konta Bon Noba di pas pa bos ku staba lunju, ku judeus ku staba pertu.

2 Pedru 2:13

E na pagadu ku sufrimentu pa sufrimentu ke fasi utru. Ki koldadi jinti gosta di fasi kusas di borgoña na lus di dia. Ora ke sinta ku bos na bo festa, e ta sedu un manca susu; e ta kontenti na se finjimentu.