Lukas 12:28 - BIBLIA - traduson antigu in Krioulo

²⁸ Si Deus ta bisti paja asin, ku sta na matu aos, amaña i na botadu na fugu, ku fadi abos, jinti di puku fe.

Lukas 12:28 ပူးပေါင်းရင်းမြစ်များ

Isaias 40:6

Vos fala: “Grita!” Algin punta: “Ke ku N na grita?” “Tudu jinti i suma paja; tudu se bonitasku i suma floris di matu.

Mateus 14:31

Ki ora Jesus distindi mon, i pegal, i falal: “Omi di puku fe, pabia di ke ku bu duvida?”

Mateus 16:8

Jesus ntindi ke ke na fala, i punta elis: “Omis di puku fe, ke ku manda bo na diskuti entri bos pabia bo ka ranja pon?

Mateus 17:17

Jesus ruspundi, i fala: “Abos i jinti mofinu ku ka ten fe! Te kal tempu ku N ten ku fika ku bos? Te kal tempu ku N na nguenta bos? Bo tisin el li.”

Mateus 17:20

Jesus fala elis: “Pabia bo fe i pikininu. Ma na bardadi N na konta bos kuma, si bo ten fe, nin si i pikininu suma garan di mostarda, bo ta fala e monti pa i sai di li pa utru ladu; i ta sai. I ka ta ten nada ku bo ka pudi fasi. [

Mateus 6:30

Si Deus bisti de manera paja di matu ku ta nasi aos, amaña i ta kemadu, ku fadi abos, jinti di puku fe.

Mateus 8:26

Jesus punta elis: “Pabia di ke ku bo sta ku medu, omis di puku fe?” Dipus i lanta, i raprindi bentu ku maron; logu tudu keta yem.

Lukas 8:25

I rabida i punta elis: “Nunde ku bo fe sta nel?” Elis e staba dimiradu, ku medu, e punta ŋutru: “Es i kin? Te bentu ku yagu, i ta manda nelis, e ta obil!”

Ebreus 6:7

Deus ta mostra si bondadi pa con ku ta bibi yagu di cuba ku ta kai riba del manga di bias, i ta da bon planta ku bali pa kil ku labral,

1 Pedru 1:24

Suma ku Skritura fala: “Tudu jinti i suma paja, tudu si bonitasku suma flor di matu. Paja ta seku, flor ta kai,