Lukas 12:17 - BIBLIA - traduson antigu in Krioulo

¹⁷ I na kuda gora na si kabesa, i punta: ‘Ke ku N na fasi? N ka tene nin un kau pa rukuji ña frutus.’

Lukas 12:17 ပူးပေါင်းရင်းမြစ်များ

Eklesiastis 11:2

Rapati bu nogos ku seti o oitu, pabia bu ka sibi kal mal ku na bin na mundu.

Isaias 58:7

Tambi i pa bu rapati bu kumida ku kil ku tene fomi, bu rukuji koitadis refuẑiadu na bu kasa, bu kubri kil ku bu oja i na yanda nun, tambi pa bu ka nega juda bu parentis.

Mateus 16:7

Elis e na diskutiba entri elis, e fala: “I pabia no ka tisi pon.”

Mateus 5:42

Da kin ku pidiu; si algin bin pistau kusa, ka bu tujil.

Lukas 10:25

I tenba un dutur di lei ku misti spurmenta Jesus. I lanta i puntal: “Mestre, ke ku N dibi di fasi pa N tene vida ku ka ta kaba?”

Lukas 11:41

Bo pati kil ku bo tene pa pobris; asin tudu kusas ta sedu limpu pa bos.

Lukas 12:16

I konta elis un storia, i fala: “Lugar di un omi riku i padi ciu.

Lukas 12:18

Dipus i fala: ‘N sibi ke ku N na fasi. N na kebra ña bembas, N ta torna kumpu utrus mas garandi; la ku N na rukuji tudu ña arus ku utru kusas ku N labra.’

Lukas 12:22

Dipus i fala si disipulus: “E ku manda N na konta bos: Ka bo fadiga ku kusa di bo vida, pa kil ku bo na kume; nin pa kurpu, ke ku bo na bisti.

Lukas 12:29

“Asin, ka bo fadiga pa punta-punta ke ku bo na kume, o ke ku bo na bibi,

Lukas 12:33

Bo bindi kil ku bo tene, bo da pobris. Bo ranja pa bos kartera ku ka ta beju, ku rikesa na seu ku nunka ka ta kaba, nunde ku ladron ka ta ciga, nin bagabaga ka ta kumel,

Lukas 16:3

“Nkargadu punta na si sintidu: ‘Ke ku N na fasi suma ku ña patron na tiran na tarbaju? N ka ten forsa pa koba con; N ten borgoña di pidi simola.

Lukas 16:9

Ami N na konta bos, bo toma rikesa de mundu, bo ranja amigus ku el, pa ora ki kaba, ki amigus ta risibi bos na moradas ku nunka ka na kaba.

Lukas 18:22

Oca ku Jesus obi es, i falal: “I faltau inda un kusa. Bindi tudu ku bu tene, bu da pobris diñeru, bu ta tene rikesa na seu. Dipus bu ta bin, bu sigin.”

Lukas 19:17

I falal: ‘Abo i bon servu, bu fasi ben. Suma bu sedu fiel na kusa pikininu, bu na manda riba di des prasa.’

Lukas 3:11

I ruspundi i fala elis: “Kin ku tene dus kamisa, pa i rapati ku kil ku ka tene nin un son. Kil ku tene kusa di kume, pa i fasi mesmu.”

Atus 16:30

I tisi elis pa fora, i punta: “Siñoris, ke ku N dibi di fasi pa N salba?”

Atus 2:37

Oca jinti obi ki kusa, se korson fika tristi dimas; e punta Pedru ku ki utru apostolus: “Ermons, ke ku no dibi di fasi?”

Romanus 12:13

Bo juda krentis ku ten nesesidadi, bo sedu gasijadur di ospri.

1 Timótiu 6:17

Manda kilis ku riku na kusas de mundu pa ka e sedu garandiosu, nin pa ka e pui speransa na un kusa ki ka sertu, suma rikesa, ma na Deus ku ta yabri si mon pa danu tudu kusa pa no goza.

1 Jon 3:16

I es ku manda no sibi ke ki amor, suma ku Kristu da si vida pa nos. Anos tambi no dibi di da no vida pa no ermons.