Lukas 10:42 - BIBLIA - traduson antigu in Krioulo

⁴² ma i un kusa son ki pirsis. Maria kuji kil ki mas minjor; i ka na tiradu el.”

Lukas 10:42 ပူးပေါင်းရင်းမြစ်များ

Salmus 119:111

N toma bu nsinamentus suma yardansa pa sempri, pabia e sedu kontentamentu di ña korson.

Salmus 119:173

Sakuran sempri ku bu mon, pabia N kuji bu ordis.

Salmus 119:30

N kuji kamiñu di bardadi, N pui sintidu pa sigi bu leis.

Salmus 142:5

Abo ku N coma, SIÑOR; N fala: “Abo i ña kau suguru; abo i ña kiñon na tera di jinti bibu.”

Salmus 17:15

Ma ami, na ña retidon, N na oja bu rostu; ora ku N korda, N na kontenti ku bu parsensa. Salmu pa ŝef di musika. Davi, servu di SIÑOR, kanta palabras de kantiga pa SIÑOR na dia ku SIÑOR libral di mon di Saul ku di tudu si inimigus.

Salmus 27:4

Un kusa ku N pidi SIÑOR, ku N na buska: pa N pudi mora na kasa di SIÑOR tudu dias di ña vida, pa N pudi jubi-jubi bonitasku di SIÑOR, N buskal na si kasa.

Salmus 73:25

Nta kin ku N tene na seu ku ka sedu abo? Li na tera i ka ten algin ku N dija fora di bo.

Eklesiastis 12:13

Na tudu ku bu obi, kusa importanti i es: Rispita Deus, bu obdisi si mandamentus, pabia es i kil ku tudu omi dibi di fasi.

Markus 8:36

Ke ku un omi ta purbita si i ngaña mundu ntidu, i pirdi si kabesa propi?

Lukas 10:39

I teneba un irma ku comadu Maria, ku bin sinta na pe di Jesus pa obi si palabra.

Lukas 11:1

Jesus staba na un lugar, i na ora. Oca ki kaba, un di si disipulus falal: “Siñor, nsinanu ora, suma tambi ku Jon nsina si disipulus.”

Lukas 12:20

Ma Deus falal: ‘Tulu, e di noti li bu ten ku ntrega bu vida. Kil ku bu purpara, pa kin ki na sedu?’

Lukas 12:33

Bo bindi kil ku bo tene, bo da pobris. Bo ranja pa bos kartera ku ka ta beju, ku rikesa na seu ku nunka ka ta kaba, nunde ku ladron ka ta ciga, nin bagabaga ka ta kumel,

Lukas 16:2

Patron comal, i puntal: ‘Es i ke ku N na obi di bo? N na fasiu balansu, N tirau na tarbaju.’

Lukas 16:25

“Abraon falal: ‘Fiju, lembra kuma bu risibi tudu ben na bu vida, Lazaru son mal. Gosi el i konsoladu, abo bu sta na kastigu.

Lukas 18:22

Oca ku Jesus obi es, i falal: “I faltau inda un kusa. Bindi tudu ku bu tene, bu da pobris diñeru, bu ta tene rikesa na seu. Dipus bu ta bin, bu sigin.”

Lukas 8:18

Bo toma sintidu na manera ku bo ta sukuta. Kualker algin ku tene, i ta dadu, ma kualker ku ka tene, te kil ki kuda kuma i tene i na tiradu el.”

Bon Noba di Jesus Kristu ku Jon 11:1

Un omi comadu Lazaru staba duenti. I seduba di Betânia, tabanka nunde ku si irmas Maria ku Marta moraba.

Bon Noba di Jesus Kristu ku Jon 11:19

Manga di ŝefis di judeu bai fala Marta ku Maria manteña pa konsola elis na mortu di se ermon.

Bon Noba di Jesus Kristu ku Jon 12:3

Maria toma meiu kilu di un pomada karu, di nardu puru, ku ta cera sabi, i unta Jesus na pe, i limpal pe ku si kabelu. Tudu kasa fika i na cera sabi.

Bon Noba di Jesus Kristu ku Jon 17:3

Vida ku ka ta kaba i es: Pa tudu jinti kunsiu, abo son, uniku Deus di bardadi, ku Jesus Kristu, kil ku bu manda.

Bon Noba di Jesus Kristu ku Jon 4:14

ma kin ku bibi yagu ku ami N na dal i ka ta torna tene sedi mas, pabia yagu ku N na dal i ta fasi nel fonti di yagu bibu ku ta darma pa vida ku ka ta kaba.”

Bon Noba di Jesus Kristu ku Jon 5:24

“N na konta bos bardadi, kin ku obi ña palabra, i seta kil ku mandan, i ta tene vida ku ka ta kaba. I ka na kondenadu, ma i pasa ja di mortu pa vida.

Bon Noba di Jesus Kristu ku Jon 6:27

Ka bo tarbaja pa kumida ku ta dana, ma bo tarbaja pa kumida ku ka ta dana, ku ta fika pa vida ku ka ta kaba, ku Fiju di omi na bin da bos, pabia Deus si Pape pui si karimbu riba del.”

1 Koríntius 13:3

N pudi pati pobris tudu ku N tene; N pudi da ña kurpu propi pa i kemadu, ma si N ka ten amor, N ka na purbita nada.

Gálatas 5:6

Si no sta unidu ku Kristu Jesus, nin sirkunsison nin falta del ka ta fasi diferensa. Kusa mas importanti i fe ku ta tarbaja ku amor.

Ripitison di Lei 30:19

N coma seu ku tera aos pa e sedu tustumuñas kontra bo di kuma N pui bu dianti vida ku mortu, benson ku maldison. Kuji vida, pa bu pudi vivi, abo ku bu fijus.

Josué 24:15

Si bo ka konkorda pa sirbi SIÑOR, bo kuji aos kin ku bo dibi di sirbi, si i ki deusis ku bo papes sirbiba na utru ladu di riu, o si i deusis di amoreus ku bo mora propi na se tera. Ma ami ku ña familia, no na sirbi SIÑOR.”

Josué 24:22

Josué fala pobu: “Bo sedu tustumuñas kontra bo kabesa propi kuma bo kuji SIÑOR pa bo sirbil.” E ruspundi: “No sedu tustumuñas.”