Lukas 10:29 - BIBLIA - traduson antigu in Krioulo

²⁹ Ma i mistiba justifika si kabesa, i punta Jesus: “Kin ki ña kumpañer?”

Lukas 10:29 ပူးပေါင်းရင်းမြစ်များ

Jo 32:2

Eliu, fiju di Barakel, di jorson di Buz, di familia di Ran, i paña raiba kontra Jo pa manera ku kila na mostra kuma i mas ten roson di ki Deus.

Sirmonias 19:34

Stranjeru ku mora ku bos i ten ku tratadu suma fiju di tera. Bu na amal suma bu kabesa propi, pabia bo seduba stranjerus na tera di Ejitu. Ami i SIÑOR bo Deus.

Markus 8:34

Dipus i coma jinti tudu, ku si disipulus, i fala elis: “Si algin misti bin ku mi, i ten ku nega si kabesa, i lambu si krus, i sigin.

Lukas 10:36

Ke ku bu oja? Kal de tris jinti ku sedu kumpañer di ki omi ku kai na mon di ladrons?”

Lukas 16:15

Jesus fala elis: “Abos i kilis ku ta misti mostra sedu bon dianti di jinti, ma Deus i kunsi bo korson, pabia kil ku omi ta garandisi, pa Deus i nujenti.

Romanus 10:3

E ka kunsi manera ku Deus ta fasi jinti justu. E buska sedu justu na se propi manera; e ka seta manera ku Deus ranja pa elis.

Romanus 4:2

Si Abraon ojadu justu pabia di kusas ki fasi, i pudi ngaba si kabesa, ma i ka pudi ngaba si kabesa dianti di Deus.

Gálatas 3:11

I klaru kuma ningin ka na ojadu justu dianti di Deus pabia i kumpri lei, ma i sta skritu kuma, kil ku sedu justu, i na vivi pabia di si fe.

Tiagu 2:24

Bo oja kuma omi ojadu justu pabia di ke ki fasi; i ka son pa fe.