Lukas 10:28 - BIBLIA - traduson antigu in Krioulo

²⁸ Jesus falal: “Bu ruspundi diritu. Fasi asin, bu ta tene vida.”

Lukas 10:28 ပူးပေါင်းရင်းမြစ်များ

Neemias 9:29

“Bu avisa elis pa e riba pa bu lei, ma e torna orgulyosu, e nega obdisi bu mandamentus; e peka kontra bu leis, ki leis ku ta da vida pa kilis ku obdisi elis. E da kosta, e ntema, e nega obdisi.

Ditus 19:16

Kil ku obdisi mandamentus i ta guarda si vida, ma kil ku njuti kamiñu di SIÑOR i na muri.

Ezekiel 20:11

N da elis ña mandamentus, N nsina elis ña leis ku ta da vida pa kin ku obdisi elis.

Ezekiel 20:13

“‘Ma pobu di Israel disobdisin na lala; e ka yanda konformi ña mandamentus, e nega obi ña leis ku ta da vida pa kin ku obdisi elis; e kontamina ña dias di diskansu dimas. E ku manda N fala kuma N na darma ña raiba kontra elis na lala, pa kaba ku elis,

Ezekiel 20:21

“‘Ma fijus tambi disobdisin, e ka yanda na ña mandamentus, e ka obdisi ña leis ku ta da vida pa kin ku ta obdisi elis; e kontamina ña dias di diskansu. E ku manda N fala kuma N na darma ña raiba riba delis la na lala, pa i yardi tok i kaba.

Sirmonias 18:5

Asin bo na sigi ña ordis ku leis, pabia si omi obdisi elis, i na yangasa vida. Ami N sedu SIÑOR.

Mateus 19:17

Jesus puntal: “Pabia di ke ku bu na punta di un kusa bon? Un son ki bon. Si bu misti yentra na vida, bu ten ku obdisi mandamentus.”

Markus 12:34

Jesus nota kuma i ruspundi ku jiresa, i falal: “Bu ka sta lunju di renu di Deus.” Dipus de palabra ningin ka osa puntal mas nada.

Lukas 7:43

Simon ruspundi i falal: “N kuda i kil ku purdadu mas ciu.” Jesus falal: “Bu kuda diritu.”

Romanus 10:4

Kristu i kabantada di lei di Moisés, pa tudu kilis ku seta Kristu pudi ojadu justu.

Romanus 3:19

No sibi kuma tudu ku lei fala, i ta fala pa kilis ku sta bas di lei, pa tudu boka pudi kala; tudu mundu ten ku fika bas di julgamentu di Deus.

Romanus 7:10

Mandamentu ku staba pa da vida, N oja kuma i tisi mortu.

Gálatas 3:12

Lei ka ten nada ku fe, ma i sta skritu kuma, kil ku ta fasi kusas ku lei fala, el i na yangasa vida.

Ripitison di Lei 6:24

SIÑOR danu ordi pa obdisi tudu e leis, tambi pa rispita SIÑOR no Deus. Si no fasi asin, i ta sedu sempri pa ben di nos; no ta kontinua ku vida, suma aos.