Lukas 10:15 - BIBLIA - traduson antigu in Krioulo

¹⁵ Abo Kafarnaun, bu misti yalsa te na seu? Ma bu na baŝadu te na nfernu.”

Lukas 10:15 ပူးပေါင်းရင်းမြစ်များ

Kumsada 11:4

E fala ŋutru: “No kumpu un prasa garandi pa nos, ku kasa kumpridu ku na toka na seu. No ta ranja nomi pa no ka pudi pajigadu pa tudu mundu.”

Isaias 5:14

Mundu di mortus misti kume kada bias mas, i yabri si boka dimas. Jinti di rispitu na ria nel, ku manga di jinti ku na somna na se parodia.

Jeremias 51:53

Mesmu ku Babilonia pudi subi na seu, i kumpu kau forti la riba, ami, SIÑOR, N na manda jinti pa e bai danal.

Ezekiel 26:20

N na fasiu pa bu ria ku kilis ku ta ria na koba, pa pobu antigu; N na pou pa bu mora na ki mundu bas di con, na lalas antigu, juntu ku mortus. Nunka mas bu ka na moradu nel, nin bu ka na tene lugar na mundu di bibus.

Ezekiel 31:18

“Kal arvuri di Eden ku parsi ku bo na bonitasku ku garandesa? Ma bu na riantadu ku arvuris di Eden pa mundu di mortus. Bu na dita na metadi di jinti ku ka sirkunsidadu, ku kilis ku matadu ku spada. Es i Faraó ku tudu si jinti.” Asin ku SIÑOR Deus fala.

Ezekiel 32:18

“Fiju di omi, cora pa jinti di Ejitu. Manda elis ku nasons forti pa mundu di mortus, juntu ku kilis ku na bai la.

Ezekiel 32:20

E na kai na metadi di kilis ku matadu ku spada. Ejitu ntregadu pa spada. Bo rastal, ku tudu si jinti!

Ezekiel 32:27

E ka dadu nteru di rispitu suma utru omis di koraẑen ku ria na koba ku se material di gera, ku pui se spadas bas di se kabesa. Se pekadu sta riba di se os, pabia e seduba spantu di utru omis di koraẑen na tera di bibus.

Obadias 1:4

Nin ku bu bua riba suma agia, bu bai pui bu niñu na metadi di strelas, di la N na batiu na con.

Mateus 10:28

Ka bo medi kilis ku ta mata kurpu, e ka pudi mata alma, ma bo medi Deus ku pudi mata kurpu ku alma na nfernu.

Mateus 11:23

Abo Kafarnaun ku mistiba subi te na seu, bu na baŝadu te na nfernu, pabia milagris ku fasidu na bo, si e fasiduba na Sodoma, i ta kontinuaba te aos.

Mateus 4:13

I sai di Nazaré, i bai fika na Kafarnaun, un prasa pertu di mar, na tera di Zebulon ku Naftali.

Lukas 13:28

Bo na cora la, bo na ñeme dinti, ora ku bo oja Abraon, Isak ku Jakó ku tudu anunsiaduris na renu di Deus, abos bo botadu fora.

Lukas 16:23

La na lugar di mortus i staba na garandi sufrimentu. I yalsa uju, i oja Lazaru la lunju, juntu ku Abraon.

Ripitison di Lei 1:28

Gosi, pa nunde ku no na bai? No ermons pui pa no pirdi koraẑen manera ke falanu: ‘Ki pobu i mas forti, i mas altu di ki nos; se prasas garandi, ku muras te na seu! No oja tambi fijus di jigantis la.’ ”

2 Pedru 2:4

Deus ka purda anjus ku peka, ma i bota elis na nfernu, i mara elis ku korenti na kau sukuru, guardadu pa dia di juisu.