Lukas 1:9 - BIBLIA - traduson antigu in Krioulo

⁹ Konformi kustumu di saserdotis i kujidu pa sorti pa i yentra na lugar sagradu di Siñor pa kema nsensu.

Lukas 1:9 ပူးပေါင်းရင်းမြစ်များ

1 Kronikas 23:13

Anran padi Aron ku Moisés. Aron i separadu, el ku si jorson pa sempri, pa purifika kusas mas sagradu, pa kema nsensu dianti di SIÑOR, pa sirbil, pa bensua na si nomi pa sempri.

1 Kronikas 6:49

Aron ku si fijus e ta pursentaba limarias di sakrifisiu riba di altar di oferta kemadu, e ta kema nsensu riba di altar di nsensu. E ta fasiba tudu sirvis di kau mas sagradu, ku sakrifisius pa purdon di pekadu di Israel, konformi tudu ordi ku Moisés, servu di Deus, daba elis.

2 Kronikas 26:16

Ocal ba ja forti, orgulyu yentra na si korson, i pul pa i kai. I peka kontra SIÑOR, pabia i yentra na templu di SIÑOR pa kema nsensu na altar di nsensu.

2 Kronikas 29:11

Ña fijus, ka bo pirdi tempu, pabia SIÑOR kuji bos pa bo sta si dianti pa sirbil, pa bo sedu si tarbajaduris, bo kema nsensu.”

Numerus 16:40

suma ku SIÑOR falaba na boka di Moisés. Es i pa lembranta fijus di Israel kuma ningin ku ka sedu di jorson di Aron i ka pudi ciga pa kema nsensu dianti di SIÑOR, pa i ka kontisi ku el suma ki sedu ku Koré ku si jinti.

Mateus 27:5

Judas ferca ki muedas di prata na kasa di Deus, i sai, i bai nforka si kabesa.

Ebreus 9:6

Suma ku e kusas sta asin rumadu, saserdotis ta yentra sempri na purmeru tenda pa fasi se sirvis,

1 Samuel 2:28

N kujil na metadi di tudu jorson di Israel pa i sedu saserdoti, pa ba ta sirbin na ña altar, pa ba ta kema nsensu, tambi pa bisti efodi ña dianti. N da familia di bu pape tudu ofertas kemadu ku fijus di Israel ta tisi.