Lukas 1:8 - BIBLIA - traduson antigu in Krioulo

⁸ Un dia Zakarias tenba sirvis; i na fasi si tarbaju di saserdoti dianti di Deus.

Lukas 1:8 ပူးပေါင်းရင်းမြစ်များ

1 Kronikas 24:19

Aron, se pape antigu, i fasiba regras pa elis konformi ordi ki risibiba di SIÑOR Deus di Israel. Asin elis e fika e sigi ki regras pa yentra na kasa di SIÑOR pa fasi sirvis.

1 Kronikas 24:2

Nadab ku Abiu muri antis di se pape, e ka fika fijus. Eleazar ku Itamar fika na tarbaju di saserdoti.

2 Kronikas 11:14

Levitas disa se kaus di bakia ku se terenu, e bin pa Judá ku Jerusalen, pabia Jeroboan ku si fijus tira elis na se sirvis ke ta fasiba pa SIÑOR,

2 Kronikas 31:19

Na metadi di saserdotis di jorson di Aron, na se prasas o na pontas lungu di prasas, i tenba omis ku kujidu pa se nomi pa ba ta rapati kiñons pa tudu saserdotis, ku tudu ku staba na reẑistu di levitas.

2 Kronikas 31:2

Ezekias rapati saserdotis ku levitas na se grupus, konformi sirvis di kada kin. E tenba ku pursenta ofertas kemadu ku ofertas di pas, tambi e tenba ku toma parti na kultus, pa ngaba Deus, pa kanta na portons di kasa di SIÑOR.

2 Kronikas 8:14

Konformi ordi di Davi, si pape, i organisa grupus di saserdotis pa se sirvis, suma tambi skalas pa tarbaju di kada dia di levitas ku ta ngaba Deus, e juda saserdotis na se tarbaju. I fasi skala pa grupus di porterus tambi, pa sirvis na kada porton, pabia asin ku Davi, omi di Deus, daba ordi.

Esdras 6:18

E fasi skala pa saserdotis ku grupus di levitas pa e pudi sirbi dianti di Deus na Jerusalen, kada kin na si dia, konformi kil ku sta skritu na libru di Moisés.

Saida 28:1

“Manda coma bu ermon Aron ku si fijus, Nadab, Abiu, Eleazar ku Itamar, pa e sai na metadi di fijus di Israel, e bin nunde bo, pa e tarbaja pa mi suma saserdotis.

Saida 28:41

Bu na bisti bu ermon Aron ku si fijus ku ki ropa, bu unji elis ku azeiti, bu dedika elis, bu separa elis pa e tarbaja pa mi suma saserdotis.

Saida 29:1

“I es ku bu na fasi ku Aron ku si fijus pa konsagra elis pa e fasin tarbaju di saserdoti. Toma un turu ku dus karnel macu, sin difeitu.

Saida 29:44

“N na fasi tenda ku altar pa e sedu sagradu; tambi N na separa Aron ku si fijus pa e fasin tarbaju di saserdoti.

Saida 29:9

bu mara elis ŝapeus kumpridu. Dipus, pui sintu na Aron ku si fijus. Tarbaju di saserdoti i di selis pa un lei ku ka na kaba. Asin ku bu na konsagra Aron ku si fijus.

Saida 30:30

“Unji Aron ku si fijus, bu separa elis pa e tarbaja pa mi suma saserdotis.

Numerus 18:7

ma abo son ku bu fijus ku na sedu saserdotis, pa toma konta di tarbaju di altar, ku di lugar tras di kurtina. N da bos e fabur di tarbaja suma saserdotis. Kualker utru algin ku ciga pertu di kau sagradu i na muri.”

Lukas 1:5

Oca Erodis seduba rei di Judeia, i tenba un saserdoti ku comadu Zakarias ku pertensiba grupu di saserdotis di Abias. Si minjer i di jorson di saserdoti Aron. Si nomi i Isabel.

Lukas 1:7

E ka teneba fiju, pabia Isabel i sebadu. Elis tudu dus e teneba idadi avansadu.