Lukas 1:51 - BIBLIA - traduson antigu in Krioulo

⁵¹ Ku si mon i fasi kusas garandi ku mostra si puder. I pajiga kilis ki garandiosu, ku planus di se korson.

Lukas 1:51 ပူးပေါင်းရင်းမြစ်များ

Kumsada 11:8

Asin SIÑOR pajiga elis di ki kau pa tudu mundu. E para kumpu ki prasa.

Kumsada 6:5

SIÑOR oja maldadi di omis na buriba na tera. Tudu se manera di pensa na se korson i seduba son mau.

Kumsada 8:21

SIÑOR sinti ki ceru sabi, i fala na si korson: “Nunka mas N ka na maldisua tera pabia di omi, nin ku si korson ta jingi sempri pa mal, disna di si mininesa. N ka na torna mata tudu kriatura bibu, suma ku N fasi.

Salmus 118:15

Bo sukuta gritus di kontentamentu ku vitoria ku na obidu na tendas di justu: “Mon direita di SIÑOR fasi kusas garandi!

Salmus 33:10

SIÑOR ta dana planus di nasons, i ta maina kusas ku jinti pensa fasi.

Salmus 52:9

Na pursensa di bu pobu N na falau obrigadu pa sempri, pabia di kil ku bu fasi. N na pui ña speransa na bu nomi pabia i bon. Maskil di Davi pa ŝef di musika konformi Maalat.

Salmus 63:5

Ña alma farta, suma algin ku farta kumida gurdu; asin ña boka na ngabau ku kontentamentu

Salmus 89:10

Bu molosta ki monstru Raab, bu matal. Bu pajiga bu inimigus ku mon forti.

Salmus 89:13

Bu brasu ten puder; bu mon direita i forti, i yalsadu.

Salmus 98:1

Bo kanta un kantiga nobu pa SIÑOR, pabia i fasi maravilyas; Si mon direita ku si brasu santu ngañal vitoria.

Saida 18:11

Gosi N sibi kuma SIÑOR i mas garandi di ki tudu deusis, pabia i fasi e kusas pa kilis ku trataba Israel ku disprezu.”

Isaias 40:10

Ali SIÑOR Deus na bin ku puder; si mon na domina; i na bin ku si premiu, ku pagamentu pruntu na si mon.

Isaias 51:9

Disperta, disperta! O mon di SIÑOR, arnoba bu forsa. Disperta, suma na tempus ku pasa di jinti di antigu. Nta i ka abo ku padasa ki dragon Raab?

Isaias 52:10

SIÑOR ragasa si mon sagradu na uju di tudu nasons; jinti di tudu kantu di mundu na oja salbason di no Deus.

Isaias 63:12

El i pui si forsa gloriosu pa i marŝa na mon direita di Moisés, i findi yagu se dianti pa pudi ngaña pa si kabesa un fama ku ka ta kaba.

Jeremias 49:15

“N fasiu pikininu na metadi di nasons, njutidu na metadi di omis.

Daniel 4:37

Gosi ja, ami, Nabukodonosor, N ngaba Rei di seu, N garandisil, N dal gloria, pabia tudu ki fasi i diritu; si kamiñus i justu. I pudi baŝa kilis ku ta yanda na orgulyu.

Romanus 1:21

E kunsi Deus ma e ka rispital suma Deus, nin e ka gardisil. Se ntindimentu saklata; se korson tulu bida sukuru.

2 Koríntius 10:5

No ta pajiga pensamentu falsu, ku tudu njatamentu di orgulyu ku ta lanta kontra kuñisimentu di Deus. No ta obriga kada pensamentu pa i fika bas di Kristu.

Ripitison di Lei 4:34

O i ten un Deus ku bai toma un pobu na metadi di utru nason pa i sedu di sil, suma ku SIÑOR bo Deus fasi pa bos na Ejitu? Dianti di bo uju i distindi si mon forti, i manda praga ku gera, i fasi garandi milagris ku kusas meduñu.

1 Pedru 5:5

Asin tambi abos jovens, bo baŝa pa mas bejus. Abos tudu, bo baŝa pa ŋutru. Bo kubri ku umildadi suma ropa, pabia, suma ku Skritura fala, “Deus i kontra jinti ku ta yalsa se kabesa, ma i ta mostra fabur pa kilis ku ta baŝa se kabesa.”

Apokalipsi 18:8

E ku manda, na un dia son i na bin riba del si kastigus: mortundadi ku cur ku fomi. I na kabadu ku el ku fugu, pabia Siñor Deus ku julgal i forti.”