Kumsada 9:3 - BIBLIA - traduson antigu in Krioulo

³ Tudu limaria bibu ku ta bulbuli i na sedu pa bo kumida. Suma ku N da bos planta verdi, gosi ja N na da bos tudu kusa.

Kumsada 9:3 ပူးပေါင်းရင်းမြစ်များ

Kumsada 9:2

Tudu limarias di tera ku tudu kacus di seu, ku tudu limarias ku ta rasta na con, ku tudu pis na mar, e na fika ku garandi medu di bos. E ntregadu na bo mon.

Sirmonias 22:8

I ka na kume kualker kusa ku ojadu mortu, o ku limaria brabu sapa-sapa, pa i ka bin kontaminadu ku el. Ami i SIÑOR.

Romanus 14:14

Ami N sibi ku tudu sertesa, na ña union ku Siñor Jesus, kuma i ka ten kumida ku Deus misti pa ka no kume, ma, si un algin kuda kuma un kusa ka dibi di kumedu, nta pa ki algin i ka puru.

Romanus 14:17

Renu di Deus i ka kumida, nin bibida, ma i pa tene vida justu ku pas ku alegria ku Spiritu Santu ta da.

Romanus 14:20

Ka bu dana tarbaju di Deus pabia di kumida. Bardadi, tudu kumida pudi kumedu, ma i mal pa kume un kusa ku na pui utru mbaransa.

Romanus 14:3

Kil ku na kume tudu kusa, ka i njuti kil ku ka na kume. Kil ku na kume son ortalisa pa ka i julga kil ku na kume tudu kusa, pabia Deus setal.

1 Koríntius 10:23

“No sta libri pa fasi tudu kusa.” Asin ke fala, ma i ka tudu kusa ki bon. “No sta libri pa fasi tudu kusa,” ma i ka tudu ku ta juda lantanda igreẑa.

1 Koríntius 10:31

Mbon, nin si bo na kume, o bo na bibi, o bo na fasi kualker utru kusa, bo fasi tudu pa gloria di Deus.

Ripitison di Lei 12:15

Bu pudi mata limaria na kualker di bu prasas, bu kume tudu karni ku bu misti, konformi benson ku SIÑOR bu Deus dau. Algin puru ku kil ki impuru e pudi kumel, suma i karni di gazela o kabra-matu,

Kolosensis 2:16

Ka bo disa ningin julga bos pabia di kume o bibi, o pabia di dia sagradu, lua nobu, o dia di diskansu.