Kumsada 9:2 - BIBLIA - traduson antigu in Krioulo

² Tudu limarias di tera ku tudu kacus di seu, ku tudu limarias ku ta rasta na con, ku tudu pis na mar, e na fika ku garandi medu di bos. E ntregadu na bo mon.

Kumsada 9:2 ပူးပေါင်းရင်းမြစ်များ

Kumsada 1:21

Asin Deus kumpu manga di pis garandi ku tudu limarias bibu ku ta nada na yagu, kada un suma si koldadi. I kumpu tambi kada kacu ku tene asa suma si koldadi. Deus oja ki kusa, i kontenti ku el.

Kumsada 1:26

Deus torna fala: “No kumpu jinti suma nos propi, no parsinti elis ku nos, pa e manda riba di pis di mar, riba di kacus di seu, riba di tudu limarias, di kasa ku di matu, riba di tudu limarias ku ta rasta na con.”

Kumsada 1:28

Deus bensua elis, i fala elis: “Bo padi ciu, bo inci mundu, bo manda riba del. Bo manda riba di pis di mar, riba di kacus di seu, riba di tudu limarias ku ta yanda na tera.”

Kumsada 2:19

Oca ku SIÑOR Deus toma reia, i kumpu tudu limarias di matu, ku tudu kacus di seu, i leba elis pa Adon, pa jubi kuma ku Adon na coma elis. Tudu ki limarias bibu ku Adon coma se nomi, e fika ku ki nomi.

Kumsada 35:5

E bai. Medu di Deus kai riba di ki prasas na roda delis. Asin e ka kuri tras di fijus di Jakó.

Kumsada 9:1

Deus bensua Noe ku si fijus, i fala elis: “Bo padi ciu, tok bo inci mundu.

Kumsada 9:3

Tudu limaria bibu ku ta bulbuli i na sedu pa bo kumida. Suma ku N da bos planta verdi, gosi ja N na da bos tudu kusa.

Jo 39:11

Bu na fiansa nel pabia si forsa i garandi, o bu na disa bu tarbaju pisadu na si mon?

Ezekiel 34:25

“‘N na fasi kontratu di pas ku elis. N na kaba ku limaria brabu na tera; e na mora suguru na lala, e na durmi na matu.

Oseias 2:18

Na ki dia N na fasi kontratu pa elis ku limarias di matu ku kacus ku ta bua, ku limarias ku ta rasta na con. N na tira mansasa ku spada ku gera na tera pa e pudi dita e durmi suguru.

Sirmonias 26:22

N na manda limarias brabu na bo metadi, ku na kume bo fijus, e kaba ku bo limarias, pa e torna bos puku, tok jinti ka na ojadu na rua.

Sirmonias 26:6

“N na da pas na tera; bo na dita; ningin ka na pantanda bos. N na tira limarias brabu na tera; gera ka na pasa mas na bo con.

Tiagu 3:7

Tudu koldadi limaria ku kacu, ku kilis ku ta rasta ku bariga, ku limarias di mar, e pudi mansadu; jinti mansa elis ja,