Kumsada 8:20 - BIBLIA - traduson antigu in Krioulo

²⁰ Noe kumpu altar pa SIÑOR. I toma utru di tudu koldadi limaria ku kacu ku ta roniadu ku el, i da Deus pa oferta, i kema elis riba di altar.

Kumsada 8:20 ပူးပေါင်းရင်းမြစ်များ

Kumsada 13:18

Abron disarma si tenda, i bai mora pertu di pes di karvaju di Manre, na prasa di Ebron. I kumpu un altar la pa SIÑOR.

Kumsada 13:4

i kumpu un altar. I coma nomi di SIÑOR la.

Kumsada 22:2

Deus falal: “Toma Isak, bu fiju un son, kil ku bu ama, bu bai pa tera di Moriá, bu matal riba di altar, bu kemal suma oferta, riba di un di montañas ku N na mostrau.”

Kumsada 22:9

Oca ke ciga na ki kau ku Deus falal, Abraon kumpu un altar la. I ruma leña, i mara si fiju, i ditandal na altar riba di leña.

Kumsada 26:25

Isak kumpu un altar la, i coma nomi di SIÑOR. I yarma si tenda la; si kriadus koba fonti.

Kumsada 33:20

I lantanda altar la, i comal: Deus, Deus di Israel.

Kumsada 35:1

Dipus, Deus fala Jakó: “Lanta, bu bai pa Betel, bu mora la, bu kumpu altar pa Deus ku bin parsi pa bo oca bu na kuriba di bu ermon Esaú.”

Kumsada 35:7

I kumpu altar, i coma nomi di ki lugar El Betel, pabia i la ku Deus parsilba kontra i na kuri di si ermon.

Kumsada 4:4

Abel tambi leba partis gurdu di purmeru fijus di si karnel. SIÑOR risibi Abel ku si oferta ku kontentamentu,

Kumsada 7:2

Leba ku bo seti macu ku seti femia di kada koldadi limaria ku ta roniadu ku el, o ku ta kumedu, bu leba dus (macu ku femia) di kada koldadi limaria ku ka ta roniadu ku el, nin i ka ta kumedu.

Kumsada 7:3

Bu toma tambi seti macu ku seti femia di kada koldadi kacu, pa bu guarda elis bibu pa e pudi kontinua padi na tera.

Kumsada 8:19

Tudu limarias, kilis ku ta rasta na con, ku tudu kacus, ku tudu ku ta yanda na con, kada un suma si koldadi, e sai na barku.

Jo 1:5

Dipus di un tempu di festa, Jo ta coma si fijus, i purifika elis, i ta mandurga pa pursenta ofertas kemadu, konformi numeru delis tudu, pabia i ta fala: “Talves ña fijus fasi pekadu, e papia mal di Deus na se korson.” Asin ku Jo ta fasiba sempri.

Saida 10:25

Moisés falal: “Nta i abo ku na danu limarias pa sakrifisius ku ofertas kemadu ku no na da SIÑOR no Deus!

Saida 29:18

Dipus, bu na kema tudu karni di karnel riba di altar; i oferta kemadu ku ta cera sabi, oferta ku pasadu na fugu pa SIÑOR.

Saida 29:25

Dipus bu na toma elis na se mon, bu kema elis riba di oferta kemadu na altar. Es i oferta kemadu ku na cera sabi pa SIÑOR.

Romanus 12:1

Asin ermons, pabia di garandi amor di Deus, N na pidi bos pa bo ntrega bo kurpu pa i sedu suma un sakrifisiu bibu, dedikadu son pa el, pa kontental. Es ki adorason ku bo dibi di fasi.

Ebreus 13:10

Saserdotis ku ta sirbi na tenda sagradu e ka ten diritu di kume na altar ku no tene.

1 Pedru 2:5

abos tambi, suma pedras bibu, bo na kumpudu pa forma kasa spiritual, pa sedu saserdotis santu pa fasi sakrifisius ku Deus ta seta, sakrifisius spiritual pabia di Jesus Kristu.

1 Pedru 2:9

Ma abos bo sedu rasa kujidu, saserdotis di rei, nason santu, pobu ku Deus ranja pa el, pa konta garandi obras di kil ku coma bos na sukuru pa si lus bonitu.