Kumsada 8:12 - BIBLIA - traduson antigu in Krioulo

¹² I pera mas seti dia pasa, i torna larga pumba, ma e bias i ka riba pa el.

Kumsada 8:12 ပူးပေါင်းရင်းမြစ်များ

Kumsada 8:10

I pera seti dia pasa, i torna largal pa fora.

Kumsada 8:11

Oca ku pumba riba pa el di tardi, i teneba na si boka un foja di olivera ki rinkaba. Noe sibi logu kuma yagu baŝa.

Salmus 27:14

Pera na SIÑOR, bu ten koraẑen, bu fortifika bu korson. Pera na SIÑOR.

Isaias 25:9

Na ki dia jinti na fala: “Es i no Deus; no fiansaba nel, i bin salbanu. Es i SIÑOR, kil ku no fiansaba nel. No na kanta, no kontenti, pabia i salbanu.”

Isaias 26:8

Anos tambi, SIÑOR, no na spera na bo; no sta na kamiñu ku bu leis mostranu. Kusa ku no korson misti i pa lembra di bu nomi.

Isaias 30:18

Ma SIÑOR misti mostra si miserikordia pa bos, i na lanta pa mostra bos amor, pabia SIÑOR i no Deus justu; tudu kilis ku na spera nel e sortiadu.

Isaias 8:17

SIÑOR sukundi si rostu di familia di Jakó, ma ami N na fiansa nel, N na pui ña speransa nel.

Jeremias 48:28

“Abos ku mora na Moab, bo disa prasas, bo bai mora na montañas di pedra, bo sedu suma pumba ku pui si niñu na ponta di boka di kaverna.

Abakuk 2:3

Pabia vison i ka pa gosi, ma i pa un tempu markadu. Si tempu na ciga, i ka na maina. Si i tarda, peral, pabia di sertesa i na bin, i ka na tarda.